Kulturë

“DokuFest” synon të zbërthejë të vërtetën nëpërmjet artit

E vërteta sivjet në Kosovë do të eksplorohet edhe nëpërmjet artit. Këtë do ta bëjë një prej festivaleve më të mëdha në rajon sa i përket kinematografisë. Të hënën kanë filluar që të shpalosen detaje të edicionit të 18-të të festivalit ndërkombëtar të filmit dokumentar dhe të shkurtër “DokuFest”.

Si çdoherë, qyteti antik i Prizrenit do të jetë nikoqir i një prej ngjarjeve më të mëdha kulturore në vend. Këtë vit organizatorët e Festivalit kanë bërë të ditur se ngjarja do të mbahet nga 2 deri më 10 gusht. Përgjatë këtyre ditëve Prizreni do të bëhet përsëri qendër e kinematografisë. Në kuadër të edicionit të sivjetmë të “DokuFestit” vëmendja e filmbërësve, gazetarëve dhe ndjekësve të Festivalit do të jetë drejt së vërtetës.

Në një vit dhe në një botë të dominuar nga histeria e lajmeve të rreme, “DokuFest” i bashkohet diskutimit mbi atë se çfarë është e vërtetë dhe çfarë është e rreme dhe mënyrën se si kjo ndikon tek të tjerët, duke zgjedhur “Të vërtetën” si temë të edicionit të sivjetmë të Festivalit. As në këtë edicion nuk do të mungojnë panelet e diskutimit, masterklasat e ligjëratat e shumta të filmbërësve të ndryshëm.

Veton Nurkollari, drejtor artistik i Festivalit, ka thënë se ky edicion do të sjellë më shumë se 200 filma, ku 10 prej tyre zbërthejnë edhe drejtpërdrejt temën e sivjetshme.

“Do të mundohemi të eksplorojmë më shumë se të vërtetën duke u fokusuar edhe në lajme të rreme”, ka thënë Nurkollari.

“E vërteta pushon këtu” është fjala me të bardhë që është theksuar në dizajnin e temës së sivjetshme, realizuar nga artisti Driton Selmani. “Nuk është qëllimi që të zbulohet e vërteta, mirëpo do të mundohemi që të hapim një debat rreth asaj dhe sidomos rreth lajmeve të rreme në Kosovë, por edhe në botë, dhe kjo mund të jetë si nismë e vogël për të eksploruar më shumë në atë drejtim”, ka thënë Nurkollari.

Për të zbërthyer më shumë të vërtetën për këtë edicion janë kuruar edhe programe të veçanta si “Rrëfimet zhbiruese të së vërtetës: Larisa, Handsworth, Orestes “ kuruar nga Sezgin Boynik, Tevfik Rada dhe Nagehan Uskan. Në kuadër të këtij programi do të shfaqen filmat: “About Narration” nga viti 1975 nga Harun Farocki dhe Ingemo Engström, “Handsworth Songs” i Black Audio Film Collective (BAFC), i vitit 1987, dhe “Notes Towards an African Orestes” nga Pier Paolo Pasolinit, i bërë në vitin 1970.

Facebook Comments

Share This:

Related Posts

  • 100
    Ambasada e Amerikës në Prishtinë ka reaguar ndaj deklaratave të liderëve kosovarë, të cilët kanë thënë se iniciative e tyre për Gjykatën Speciale do të dëmtojë marrëdhëniet e Kosovës me SHBA-në. Javë më parë krerët kosovarë kishin filluar një iniciativë për shfuqizimin e Ligjit për Gjykatën Speciale, iniciativë kjo që…
    Tags: të
  • 100
    Sot hapet edicioni i 20-të i Panairit të Librit “Prishtina 2018” Sot në Prishtinë hapet edicioni i 20-të i Panairit të Librit “Prishtina 2018”, ku pritet të marrin pjesë më shumë se 100 shtëpi botuese nga Kosova, Shqipëria, Maqedonia dhe diaspora. Sipas organizatorëve, ky edicion është jubilar pasi përkon me…
    Tags: të
  • 100
    Manifestimi shumë kulturor mbarëkombëtar “Flaka e Janarit 2019”, i cili këtë vit mbahet për herë të 28-të në Gjilan dhe organizohet nën përkujdesjen e kryetarit të komunës, Lutfi Hazirit, i kushtohet 20-vjetorit të çlirimit të Gjilanit. Për dallim prej viteve paraprake, kësaj radhe më 11 janar është ndezur Flakadani tek…
    Tags: të
  • 100
    Oda Ekonomike Amerikane u ka dërguar shkresë të gjithë deputetëve të Kuvendit të Kosovës ku ka shprehur shqetësimet lidhur me iniciativën për heqjen e ndalesës për importin e veturave më të vjetra se dhjetë vjet. Kjo odë thotë se një ndryshim i tillë do të rriste nivelin e ndotjes së…
    Tags: të
  • 100
    Në sheshin e Prishtinës, mëngjesin e sotëm veç kanë nisur përgatitjet me stolisje. Flamujt e Kosovës, kanë filluar të vendosen në pjesë të ndryshme të kryeqytetit. Në përvjetorin e njëmbëdhjetë të shpalljes, Deklarata e Pavarësisë sivjet do të vizitojë shtatë qendrat kryesore të Kosovës. Kjo parashihet me agjendën e shënimit…
    Tags: të
Comments