Kulturë

Dyshja Çeku-Bouchkov në lojë virtuoze për harmoni perfekte

Kur energjia pozitive gërshetohet me virtuozitetin dhe ndjeshmërinë, rezultati nuk ka se si të mos jetë pozitiv.

Sidomos kur në skenë bëhen bashkë dy muzikantë siç janë kitaristi i njohur kosovar Petrit Çeku dhe violinisti i njohur belg, Marc Bouchkov, shkruan sot “Koha Ditore”. E ndanë skenën në Prishtinë. Hapën edicionin e 17-të të festivalit ndërkombëtar të Prishtinës “ReMusica”.

Në një program me vepra të kompozitorëve të ndryshëm që kërkojnë lojën me virtuozitet, ndjenjë e pasion, shpalosën artistllëk të plotë. Mbrëmjen e nisën me “Cantabile”, nga Niccolò Paganini, e cila përshkruhet si shembull perfekt i veprës së ndarë në tri pjesë.

Në këtë udhëtim melodik, dyshja virtuoze shëtitën publikun që mbushi përplot sallën e Bibliotekës Universitare në kryeqytet. Numri i madh i të pranishmëve, një pjesë e të cilëve u detyruan të uleshin në tokë e të tjerë të qëndrojnë në këmbë, e bëri hapësirën të duket edhe më intime. Kjo shkonte mjaft mirë me reflektorët e kuq që ishin vendosur në skenë, duke sjellë edhe më energji në skenë. Ani pse nxehtësia në këtë hapësirë bëhej e padurueshme, ishin tingujt e sjellë me emocion ata që i dhanë kuptim mbrëmjes.

Me këtë mbrëmje muzikore me shumë emocion nisi mbarë edicioni i 17-të i festivalit ndërkombëtar të Prishtinës “ReMusica”, i cili do të zgjasë deri më datën 2 qershor..

Facebook Comments

Share This:

Related Posts

  • 100
    Fjalët e fundit të Steve Jobs janë një “këmbanë” për të gjithë Zoti na ka bërë në një mënyrë, ne mund të ndiejmë dashurinë në zemrën e secilit prej nesh, dhe jo iluzionet e ngritura prej famës apo parasë, si ata që bëra në jetën time. Ata iluzione unë nuk…
    Tags: të, në, që
  • 100
    Prishtinë, 16 mars - Nuk ndodh fort shpesh që një artist të sfidohet deri në atë masë që brenda hapësirës së një galerie të fusë mbeturina. Agron Blakçori me kuratorin Mehmet Behluli e kanë bërë këtë gjë. Në pjesën qendrore është rikrijuar fotografia që artisti e kishte realizuar në lagjen…
    Tags: të, në, që
  • 100
    A jeni ndjerë ndonjëherë sikur endeshit të vetëm në errësirë, duke mos ditur se çfarë ju priste në hije, apo nëse drita do të shkëlqente sërish? Dishepujt patën një përjetim të ngjashëm, gjatë një stuhie të befasishme në det, e cila është treguar me hollësi tek Mateu 8. Edhe pse…
    Tags: të, në, që
  • 97
    Politizimi i bordeve të ndërmarrjeve publike, po shihet si një prej faktorëve që po i çon këto ndërmarrje drejt procesit të falimentimit. Përfaqësues të shoqërisë civile të cilët kanë realizuar hulumtime për emërimet në këto pozita, thonë se një dukuri e tillë i ka përcjellë të gjitha qeveritë e deritashme…
    Tags: të, në
  • 96
    Partitë opozitare në Kosovë insistojnë që presidenti Hashim Thaçi të mos jetë në krye të procesit të dialogut me Serbinë, tani kur po afrohet edhe faza finale e tij. Sipas opozitës, Kuvendi është organi më i lartë, i cili duhet të vendosë për këtë çështje. Vetëm pasi që Thaçi të…
    Tags: të, në
Comments