Kulturë

Filarmonia e Kosovës akordohet për Vengerovin, biletat shpërndahen për katër orë

Brenda katër orëve Filarmonia e Kosovës s’ka pasur më bileta për koncertin e së dielës.

Kaq janë dashur që të mërkurën të shpërndahen 350 biletat pa pagesë, aq sa ky institucion kishte vënë në dispozicion.

Gjatë kohës kur ata synonin ta siguronin ndonjë, anëtaret e orkestrës kanë qenë në prova intensive nën dirigjimin e Baki Jasharit, drejtor i këtij institucioni.

“Ka copëza shumë dhe ky kompozicion kalon shpejt”, u ka thënë Jashari instrumentistëve para se të jepte shenjë që të fillonin “Koncertin për violinë, violonçel dhe piano” në C-dur, Op.56 të Ludwing Van Beethoven. Solistë në interpretimin e kësaj vepre do të jenë instrumentistët nga Turqia, Özcan Ulucan në violinë e Birsen Ulucan në piano dhe violonçelisti hungarez, László Fenyő. Jashari ka edhe një porosi: u kërkon instrumentistëve të jenë të saktë e të paraqiten me kohë në prova. Sipas tij, do të ishte mirë që të vinin madje disa minuta më herët që të akordohen.

I pari i Filarmonisë, por edhe instrumentistët e orkestrës ia kanë vënë synim vetes që të japin më të mirën për koncertin me të cilin hapin vitin. Kanë një arsye të fuqishme. Koncerti në të cilin do të luhet edhe “Simfonia nr.7”, po ashtu e kompozitorit gjerman, do të dirigjohet nga mjeshtri, Maxim Vengerov.

Si violinisti më i shquar i shekullit 21 – fitues i çmimit “Grammy” për solo-performancë me orkestër më 2003 – një nga dirigjentët më të dalluar që ka njohur historia e muzikës në botë, rikthehet në Prishtinë pas 20 vjetësh, por këtë herë, për të dirigjuar orkestrën e Filarmonisë së Kosovës. Pas luftës e vizitoi vendin si ambasador i vullnetit të mirë i UNICEF-it duke performuar për fëmijët e Kosovës.

Kushdo që ka shkuar pas orës 14:00 në objektin e Filarmonisë, ka marrë përgjigjen e njëjtë nga punonjësit, të cilët kishin për detyrë shpërndarjen e biletave. “S’ka më”, është përsëritur disa herë.

Nga dy bileta për person, ka qenë maksimumi i lejuar. Për disa një përgjigje e tillë ishte e pabesueshme. Në rrjetet sociale Filarmonia e Kosovës ka marrë komente e mesazhe të shumta nga të interesuarit për këtë koncert.

Koncerti i së dielës do të shënojë 250-vjetorin e kompozitorit Ludwing Van Beethoven, një figurë vendimtare në transicionin në mes të klasicizmit dhe romantizmit në muzikën klasike, e që konsiderohet një nga kompozitorët me të mirë të të gjitha kohërave. © KOHA.

Facebook Comments

Share This:

Related Posts

  • 100
    Përvjetori i vizitës së Nënë Terezës në Shkup rikthen dokumentarin e harruarShtatë dekada moshë nuk e kishin mpakur gjallërinë e saj kur ajo po zbriste shkallët e një aeroplani që sapo kishte zbarkuar në aeroportin e Shkupit. Kur emri i saj veç kishte marrë dhénë, Gonxhe Anjezë Bojaxhiu atë ditë qershori u tregua plot mirësi e buzëqeshje ndaj nikoqirëve që kishin…
    Tags: të, ka, për, në
  • 100
    Lufta kundër piraterisë mbetet sfidë për institucionetMbi 10 milionë euro është vlera e mallrave që Dogana e Kosovës ka konfiskuar vetëm sa i përket shkeljes së të drejtës së autorit që nga viti 2010. Të dhënat e shpalosura nga ky institucion shpërfaqin se riprodhimi i markave të njohura botërore në mënyrë pirate është goxha i pranishëm…
    Tags: të, në, ka, për
  • 95
    Institutit Arkeologjik të Kosovës i bllokohet plani i punës për sivjetInstituti Arkeologjik i Kosovës nuk do ta realizojë planin e punës për vitin 2018 dhe mbi dhjetë projekte të planifikuara do të mbesin pa u përfunduar. Ky është “bilanci” që ka nxjerrë IAK-ja tre muaj pa përfunduar viti dhe për këtë shkakun e gjen te telashet me buxhet, shkruan sot…
    Tags: të, ka, në, për
  • 95
    Me “besa-besë” para 121 vitesh filloi punimet Lidhja e PejësNë fund të shekullit 19-të tokat e banuara me shqiptarë u vunë përsëri në rrezik kur fqinjët ballkanikë të shqiptarëve filluan aktivisht të ndeshen për të marrë pjesë nga territori i Maqedonisë, kontest që do të shpinte drejt Luftërave Ballkanike. Territori i Kontestueshëm përfshinte edhe katër vilajetet shqiptare. Patriotët shqiptar…
    Tags: të, në
  • 95
    Në Washington SHBA-ja lanson lëvizjen botërore për lirinë fetare - vendos sanksione!Nga: Driton Krasniqi Mund të ngjajë që një pjesë e konsiderueshme e njerëzve edhe mund të mos jenë në dijeni se liria fetare shtrihet mu në zemër të demokracisë amerikane. Amendamenti i parë i Kushtetutës së SHBA-së përcakton orientimin shtetëror se Kongresi nuk do të themelojë asnjë religjion dhe nuk…
    Tags: të, në, për
Comments