Kulturë

Filmat që u realizuan gjatë pandemisë sfidojnë izolimin brenda garës kombëtare

Pandemia ka bërë që shumë regjisorë të mos kenë mundësinë që të përfundojë projektet e tyre filmike. Mirëpo, disa regjisorë duke përdorur materialet që i kishin në dispozicion gjatë karantinës, kanë arritur që të vizualizojnë disa ide që u kanë shkrepur në mendje gjatë kësaj kohe. Në mesin e tyre janë edhe dy regjisorë shqiptarë, Eneos Çarka dhe Norika Sefa.

Të gjendur larg familjes së tyre, në kohën kur pjesa më e madhe e botës u izolua për shkak të masave parandaluese të përhapjes së virusit COVID-19, regjisorët iu përveshën punës. Sefa, për të realizuar “Më puth, tani.” iu kthye arkivit të familjes në kërkim të ndjenjave që reflektojnë ngrohtësi. Kërkonte përqafime, puthje, veprime të veçanta të prekjes që para pandemisë ishin diçka e zakonshme.

Në anën tjetër, frymëzuar nga dokumentari avantgard i viti 1977, “News from Home” i regjisores Chantal Akerman, Çarka e realizoi film “Ku je tani?” me mesazhe zanore që i pranoi nga babai i tij gjatë karantinës. Filma, goxha eksperimentalë, janë të fokusuar të familja, lidhja me njerëzit dhe emocionet. “Më puth, tani.” por edhe “Ku je tani?” janë premierë e “DokuFestit”.

Filmat janë në garë në kategorinë kombëtare dhe janë të qasshëm në platformën online të Festivalit deri më 15 gusht. Këtë vit, edicioni i 19-të i Festivalit po mbahet online, për shkak të pandemisë. Dy filmat, të vetmit të realizuar gjatë pandemisë në kategorinë kombëtare, garojnë me 9 filma të tjerë për çmimin e filmit më të mirë kombëtar.

“Ky film ka ardhur nga një ndjenjë e pasigurisë”, ka thënë Sefa për filmin “Më puth, tani.” (“Kiss me, now.”, 2020) © KOHA.

Facebook Comments

Share This:

Related Posts

  • 95
    “N’përpjekje për me u çue” rikthen virtualisht labirintin e iluzioneveNë dhjetor të vitit të kaluar, Driant Zeneli e kishte shndërruar Galerinë Kombëtare të Kosovës në një lloj labirinti iluzionesh që zbulonte përmes kthinash, botë e rrëfime të ndryshme. Ata që e kanë parë ekspozitën “N’përpjekje për me u çue” të kuruar nga Claudia Buizza dhe Alicia Knock pos që…
    Tags: të, që, në
  • 95
    Figura e papërsëritshme e roleve epike të valleve shqiptareDasmat në Tiranë e kishin kalitur në valle si fëmijë. E hapat do të niste t’i hidhte me përpikëri në Ansamblin Popullor, që ishte themeluar si institucion profesional më 1957. Shpejt do të bëhej ndër figurat qendrore të Ansamblit. “E kisha dhunti të bija në sy. Isha shumë i gjallë”,…
    Tags: të, në, që, më
  • 95
    95 vjet nga vrasja e Luigj GurakuqitLuigj Gurakuqi ishte veprimtar i çështjes kombëtare, hartues dhe nënshkrues i Deklaratës së Pavarësisë së Shqipërisë, poet, arsimtar, tekstolog, gjuhëtar, diplomat, deputet dhe Hero i Popullit shqiptar. Ai shkroi deklaratën e Pavarësisë së Shqipërisë. Dora e tij shkroi alfabetin e miratuar nga Kongresi i Manastirit. Është një nga personalitetet më…
    Tags: të, në
  • 93
    “Java e Evropës” vjen online me ofertë të pasur aktivitetesh kulturoreNjë gërshetim zhanresh sjell lista e artistëve që janë bërë pjesë e aktiviteteve që do të mbahen në kuadër të “Javës së Evropës” prej 9 deri më 15 maj. Për dallim nga vitet e kaluara, sivjet aktivitetet do të mbahet online. Pjesa e kulturës është e pasur me emra si…
    Tags: të, në, që, më
  • 88
    Animatorët e rinj bashkohen për mesazhe vetëdijesuese në kohë pandemieDisa shtëpi me ngjyrë të kaltër, mbi to zemra të verdha dhe mbishkrimi “rri n’shpi” ngjyrë qielli, janë disa nga elementet që animatorja e re Lira Gjikolli i ka bërë bashkë në animacionin e saj 14-sekondash. Videoja e saj është e para e publikuar në rrjete sociale të martën, nga…
    Tags: të, në, që
Comments