Kulturë

Ish-reporteri i luftës edhe në Kosovë rrëfen nëpërmjet artit

Artisti lokal, Kevin Weaver, dikur ka qenë reporter, i cili ka mbuluar disa nga zonat më të rrezikshme të konflikteve gjatë viteve ‘90. Në vitin 2005 ai u diagnostikua me çrregullim post-traumatik pasi u plagos më 1992, derisa po raportonte për luftën në Bosnjë, kur shpërtheu në Sarajevë.

Weaver ka përdorur përvojën e tij për realizuar një seri veprash arti që e titulloi “Lufta për jetë”. Ekspozita me veprat e tij do të jetë në qendër të galerisë kryesore të Muzeut Beacon në qytetin anglez Whitehaven. Do të hapet më 19 janar.

“Gjatë viteve ‘90 kam punuar si gazetar i pavarur për disa gazeta nacionale dhe për BBC-në”, ka thënë Weaver. “Nisa të raportoja për valën e revolucioneve në Evropën Lindore – rrëzimin e Murit të Berlinit, Revolucionin Rumun dhe Revolucionin e Kadifenjtë në Çekosllovaki, pastaj mbulova luftërat në ish-Jugosllavi, në Kroaci, Bosnjë dhe Kosovë”, ka thënë ai. “Gjithashtu e mbulova gjenocidin në Ruandë dhe eksodin Hutu në Zaire. Lufta është kundër civilizimit. Ajo i bën njerëzit me të ulët sesa kafshët sa u përket sjelljeve të tyre. Pajisjet shtëpiake i bën të padobishme, duke filluar prej atyre thelbësoreve, si ngrohja, uji, energjia elektrike dhe njerëzimi komprometohet”, ka thënë ai.

“Tani synoj ta përshkruaj luftën si një artist duke përdorur mediumet, si piktura, fotografia, instalacionet me drita, muzikë, zë dhe aparate shtëpiake jashtë përdorimit. Gjithashtu do të kem ca bashkëbisedime dhe punëtori për të plotësuar ekspozitën ‘Lufta për jetë’ në Muzeun Beacon”, ka thënë ai.

Elizabeth Kwasnik, drejtoreshë e Muzeut, ka thënë: “Këto ngjarje ndodhën gjatë jetës sonë. Shumë të rritur i mbajnë në mend raportimet për konfliktin në Bosnjë e gjenocidin në Ruandë”. “Për këtë arsye kjo ekspozitë ka një mesazh të fuqishëm paralajmërues, por edhe shpresë. Ne besojmë se ai thotë diçka thellësisht pozitive për ata që s’u dorëzuan gjatë atyre kohëve, duke mbajtur kujtesën gjallë, kujtimin për ata që nuk mbijetuan”, ka thënë ajo. “Vitin e kaluar e shënuam Ditën e Përkujtimit të Holokaustit më 27 janar përmes artit dhe do ta bëjmë këtë përsëri në këtë ekspozitë, sepse tema më e gjerë e persekutimit njerëzor dhe gjenocidit është hulumtuar në një kontekst të sotëm”.

Ekspozita do të qëndrojë e hapur deri më 17 mars/ newsandstar.co.uk/”Koha Ditore”

Facebook Comments

Share This:

Related Posts

  • 94
    Para se të flasim për secilin veç e veç, duhet theksuar fakti se janë të rralla edhe në botën me qytetërim të lartë, kur anëtarët e një familjeje hyn së bashku me historinë e lëvizjes kombëtare të një populli, siç është rasti me familjen e Qeriazëve. Prof. Dr. NEBI DERVISHI…
    Tags: të, në, dhe, për
  • 86
    Instituti Arkeologjik i Kosovës nuk do ta realizojë planin e punës për vitin 2018 dhe mbi dhjetë projekte të planifikuara do të mbesin pa u përfunduar. Ky është “bilanci” që ka nxjerrë IAK-ja tre muaj pa përfunduar viti dhe për këtë shkakun e gjen te telashet me buxhet, shkruan sot…
    Tags: të, ka, në, për, dhe
  • 84
    Vdekja e Jezusit është ndër ngjarjet më të përfolura ndonjëherë, si dhe një ndër faktet historike më fascinuese. Madje edhe kritikët më të mëdhenj e pohojnë se vdekja e Jezusit në duart e ushtarëve romakë është një fakt i padiskutueshëm historik. Por pse u dënua Jezusi nga Nazareti me vdekje?…
    Tags: të, dhe, për
  • 84
    Sot mbushen 614 vjet nga lindja e Heroit të kombit Gjergj Kastriotit-Skënderbeut - figura më e shquar në historinë e shqiptarëve, i cili njihet si themelues i shtetit mesjetar-shqiptar. Ai u lind më 6 maj të vitit 1405 dhe vdiq më 17 janar 1468. Ishte djali më i vogël i…
    Tags: të, në, dhe, për
  • 82
    Historia e Antigonës, 19-vjeçares së cilës i ka vdekur babai kur ajo kishte qenë shumë e re e me pas nëna e saj u sëmur rëndë, është pjesë e dokumentarit të publikuar nga UNICEF-i në bashkëpunim me këngëtaren Rita Ora. I realizuar nga “Soccer Aid” për UNICEF-in, dokumentari i publikuar…
    Tags: në, të, për, ka, dhe
Comments