Komuna e Prishtinës me 110 mijë euro mbështet 58 projekte kulturore
Më shumë se një muaj kohë i është dashur kryetarit të Prishtinës, Shpend Ahmeti, që të firmosë listën e projekteve kulturore që do të mbështeten sivjet me buxhetin komunal.
Janë fiks 58 projekte. Ndryshimet janë të vogla në raport me listën preliminare e cila qe publikuar në fillim të muajit maj, shkruan sot “Koha Ditore”. Edhe pas nënshkrimit, jo më shumë se 20 për qind është buxheti që ka në dispozicion Drejtoria e Kulturës që t’iu përgjigjet kërkesave, e që në total arrin mbi gjysmë milioni euro, ani pse shuma e mbështetjes është rritur për 17 mijë euro, duke arritur kështu buxhetin që kjo drejtori ka të ndarë për subvencione për sivjet.
Në listën preliminare kanë qenë 52 projekte që ishin vlerësuar pozitivisht, shuma e të cilave arrinte 93 mijë euro, ndërsa si përfundim janë mbështetur gjashtë projekte më shumë. Shuma totale është 110 mijë e 450 euro.
Duke qenë se kjo ka qenë hera e parë që është lansuar versioni online i aplikimit, Yll Rugova, drejtor i Drejtorisë së Kulturës në Komunën e Prishtinës, e ka cilësuar si proces të suksesshëm. Ai ka thënë se vendimi që tashmë është publikuar është përfundimtar. Ndërsa ankesat do të shqyrtohen nga një komision i veçantë.
Komisioni i cili ka bërë përzgjedhjen e aplikimeve online ka qenë i përbërë nga historiania e artit Vesa Sahatçiu, artisti Alban Muja, drejtoresha e Qendrës Kulturore për Fëmijë, Diellza Sylejmani, Lindita Hajdari nga Komuna e Prishtinës dhe producenti Alush Gashi.
Çështja e vlerësimit të komisionit tash e sa kohë kritikohet nga njerëzit e fushës, pikërisht për shkak të mënyrës së përzgjedhjes së projekteve fituese dhe kriterit të vlerësimit…
Related Posts
- 75
Pas hapjes në Muzeun Kombëtar të Kosovës, më 4 prill, ekspozita “Sikur Hana” nga Zgjim Zyba e Die Morina ka vazhduar rrugëtimin e saj në “vendlindje”, Suharekë. Kjo ekspozitë – që shpërfaq zërin e padëgjuar të grave përmes Salë Zybës, e cila tregon historinë inspiruese të Lokës Hanë (Hanë Zybës)… - 74
Filmi “Touch Me Not” (Mos më prek) e regjisores rumune Adina Pintilie, që flet për një grua e cila përballet me çështje të intimitetit dhe mëson se si të ndihet rehat me trupin e saj, e ka marrë “Ariun e artë” të edicionit të sivjetmë të festivalit “Berlinale”. Ndërsa Wes… - 73
Para se të flasim për secilin veç e veç, duhet theksuar fakti se janë të rralla edhe në botën me qytetërim të lartë, kur anëtarët e një familjeje hyn së bashku me historinë e lëvizjes kombëtare të një populli, siç është rasti me familjen e Qeriazëve. Prof. Dr. NEBI DERVISHI… - 72
Prishtinë, 1 mars – Një numër i artistëve janë bërë tok gjatë ditës së mërkurë, në sallën e vogël të Teatrit Kombëtar të Kosovës. Kësaj radhe jo për ndonjë projekt artistik a protestë, por për të gjetur mënyra që t’i dalin në ndihme njërit prej kolegëve të tyre. Në këtë… - 69
Qeveria ka ndarë 500 mijë euro për shënimin e n e 550 vjetorit të vdekjes së Gjergj Kastriotit Skënderbeut. Edhe pse kërkesa e kryeministrit Ramush Haradinaj ishte që të ndahen 943 mijë eurove, Qeveria ndau 500 mijë. Haradinaj tha se janë një numër aktiviteteve për ta shënuar vitin gjithëkombëtar ku…
