LAJMET E FUNDIT

Krijohet Grupi i Miqësisë Itali –Kosovë në Parlamentin Italian

Tani e tutje Kosova do të ketë një derë të hapur edhe në të dyja dhomat e Parlamentit Italian. Të martën, me 7 mars, për herë të parë u formua Grupi i Miqësisë për Kosovën, grup në të cilin janë përfshirë deri tani 45 senatorë dhe deputetë. Kryetar i grupit u emërua senatori Gianpiero Dalla Zuanna, Profesor i Demografisë në Universitetin e Padovas. Ceremonia e krijimit të grupit miqësor Itali – Kosovë u zhvillua në Pallatin Madama, e cila është selia e Senatit të Republikës Italiane. E ftuar në këtë ceremoni ishte edhe ambasadorja e Republikës së Kosovës në Itali Alma Lama, e cila edhe inicioi krijimin e këtij grupi të miqësisë në parlamentin italian.

Senatori Dalla Zuanna, theksoi rolin që grupi parlamentar i miqësisë mund do të luajë  në intensifikimin e bashkëpunimit në mes Italisë dhe Kosovës, duke shërbyer si një urë miqësie ndërmjet Parlamentit Italian  dhe Parlamentit të Kosovës. Ai shprehi vullnetin për angazhimin e grupit në promovimin, përforcimin dhe vlerësimin e  njohurive të ndërsjella në mes të dy vendeve, për të nxitur miqësinë dhe solidaritetin; promovimin e shkëmbimeve kulturore, shkencore dhe artistike në mes Italisë dhe Kosovës përmes marrëveshjeve me institucionet,  promovimin e bashkëpunimit ekonomik si edhe ruajtjen dhe forcimin e marrëdhënieve përmes misioneve diplomatike të Italisë dhe Kosovës.

Ndërsa ambasadorja Lama, në fjalën e saj, falënderoi senatorët dhe deputetët që i janë përgjigjur pozitivisht iniciativës për themelimin e Grupit të Miqësisë. Në veçanti ajo i falënderoi senatorët Dalla Zuanna dhe Di Biagio për angazhimin e tyre për ngritjen e këtij grupi.  Ambasadorja Lama tha se Italia dhe Kosova kanë marrëdhënie shumë të mira në nivel politik dhe diplomatik dhe se Italia është duke kontribuar në sigurinë e Kosovës dhe vazhdon ta mbështesë atë në të gjitha proceset politike. ‘Ne jemi një shtet i ri që ka nevojë për të mësuar nga përvoja juaj e gjatë, jo vetëm në jetën parlamentare, por edhe në lidhje me trajtimin e  çështjeve themelore të shtetit. Ne kemi nevojë për mbështetje për procesin e integrimit në Bashkimin Evropian, sepse rruga nuk është aq e lehtë për një vend që ka mbijetuar një luftë, me të gjitha problemet që ajo sjell”, tha ndër të tjera ambasadorja Lama

Përsa i përket raporteve me Serbinë, Ambasadorja Lama kërkoi nga Grupi që të angazhohet edhe për kushtëzimin e Serbisë nga ana e BE-së që të njohë Kosovën. Një objektiv tjetër  i  Grupit të Miqesisë që u propozua nga Ambasadorja Lama ishte për një rol më aktiv të Italisë përsa i përket procesit të njohjeve nga vendet e botës, vecanërisht atyre afrikane. ‘

Në fund Ambasadorja Lama ftoi Grupin i Miqësisë që të vizitojnë Kosovën në të ardhmen.

Facebook Comments

Share This:

Related Posts

  • 94
    Në Kosovë fatkeqësisht ekziston një numër i konsiderueshëm i fëmijëve që lindin me sëmundje të zemrës dhe shërimi i të cilëve në vendin tonë është po thuajse i pamundur.   Megjithatë, kohët e fundit janë rritur shpresat e këtyre fëmijve për mjekim jashtë vendit. Një gjë të tillë po e…
    Tags: në, të, që, për, dhe
  • 89
    Në Kosovë ekziston një pabarazi e madhe në trashëgimin e pronës mes meshkujve dhe femrave. Kështu u tha me rastin e prezantimit të Strategjisë Kombëtare për të drejtat e pronës. Zëvendëskryeministri Hajredin Kuçi në fjalën e tij tha se është shumë e rëndësishme që të fuqizohet sistemi i të drejtave…
    Tags: të, në, për, dhe
  • 89
    Sikurse e bën të qartë Ungjilli, e sidomos Ungjilli sipas Gjonit, festa e Pashkës shënoi arritje me të rëndësishme gjatë shërbesës së Jezu Krishtit. Në tri vite shërbimi pati tri ndodhi domethënëse, në Pashkën e parë gjatë shërbesës së Tij, Jezusi e bëri të njohur misionin e tij nëpërmjet pastrimit…
    Tags: të, dhe, në
  • 89
    Kosova meriton të ardhmen evropiane, por ende ka shumë sfida dhe vështirësi, deklaroi të premten kryetari i delegacionit të Parlamentit Evropian,Tonino Piculas, në një konferencë për media, pas mbylljes së sesionit të parë të mbledhjes së tretë të përbashkët të Komisionit Parlamentar për Stabilizim Asociim BE-Kosovë. Ai tha se kanë…
    Tags: të, dhe, për, në
  • 83
    Shtetet e Bashkuara të Amerikës e kanë përkrahur zgjedhjen e Bahri Krasniqit në krye të Doganave të Kosovës. Mbështëtja iu konfirmua në punëtorinë mbi etikën qeverisëse për Doganën e Kosovës, të organizuar nga Departamenti Amerikan për Tregti. E ngarkuara me punë në ambasadën e ShBA-së, në Prishtinë, Colleen Hyland, theksoi…
    Tags: të, në, për, dhe
Comments