LAJMET E FUNDIT

Kroacia me mbështetje shëndetësore për Kosovën

Ministri i Shëndetësisë, Uran Ismaili, gjatë vizitës së tij zyrtare në Zagreb, është pritur sot nga ministri i Shëndetësisë së Kroacisë, Milan Kujundzic, njofton kumtesa ministrore, transmeton Koha.net.

Ismaili dhe Kujundzic diskutuan për forcimin e bashkëpunimit mes dy vendeve në fushën e shëndetësisë, në veçanti rreth ndihmës që ky shtet mund t’i jap Kosovës në misionin për ndryshimin e gjendjes në sektorin shëndetësor.

Në këtë takim, Ismaili falënderoi ministrin Kujundzic për gatishmërinë e shtetit kroat për të ndihmuar në këtë proces.

“Kroacia është dëshmuar me dekada si mike e Kosovës, si dhe një ndër vendet më stabile dhe zhvillimore në rajon. Prandaj, edhe ne sot jemi këtu që të forcojmë bashkëpunimin dhe të kërkojmë mbështetjen e shtetit tuaj në misionin tonë për të ndryshuar gjendjen në shëndetësinë kosovare”, tha Ismaili.

Në këtë aspekt, ministri kroat ka thënë se Kroacia do të jetë afër Kosovës edhe në këtë mision të rëndësishëm, duke e ofruar ndihmën e saj në të gjitha format e nevojshme.

“Nuk ka nevojë që të përmendi gatishmërinë e Kroacisë për të ofruar ndihmën e saj edhe në sektorin shëndetësor. Ne kemi shërbime shumë cilësore në Kroaci dhe në ditët dhe javët në vazhdim ekipet tona do të ulen dhe do të konkretizojnë bashkëpunimin mes vendeve tona ”, tha ai.

Ndihma në funksionalizimin e Fondit të Sigurimeve Shëndetësore, edukimi i vazhdueshëm i profesionistëve shëndetësor, trajtimi i qytetarëve të Kosovës nëpër spitalet kroate, lehtësimet në pajisje me viza për qëllime mjekësore dhe trajnimet e ndryshme të ekspertëve kroat për profesionistët shëndetësor të Kosovës, ishin pikat në të cilat parimisht të dy ministrat u pajtuan që Kroacia do të filloj të ndihmojë Kosovën.

Ministri Ismaili dhe drejtori i Fondit të Sigurimeve Shëndetësore të Kosovës, Fatmir Plakiqi, gjatë ditës janë pritur nga ushtruesi i detyrës së drejtorit të Fondit kroat, Lucian Vukelic.

Edhe në këtë takim, zyrtarët e Fondit të Sigurimeve Shëndetësore të Kroacisë shprehën gatishmërinë e tyre që të vënë në dispozicion të gjithë përvojën dhe infrastrukturën e tyre për të ndihmuar Kosovën në këtë mision.

Facebook Comments

Share This:

Related Posts

  • 100
    Kontributi i familjes Qiriazi ne ngritjen e vetëdijes kombëtarePara se të flasim për secilin veç e veç, duhet theksuar fakti se janë të rralla edhe në botën me qytetërim të lartë, kur anëtarët e një familjeje hyn së bashku me historinë e lëvizjes kombëtare të një populli, siç është rasti me familjen e Qeriazëve. Prof. Dr. NEBI DERVISHI…
    Tags: të, në, dhe, për
  • 100
    Gashi: Autorët së shpejti do të marrin çekun për kompensimin e punës së tyre nga e drejta e autoritNë mbledhjen e sotme të Qeverisë së Kosovës, është miratuar propozim vendimi për themelimin e komisionit për vlerësimin dhe propozimin e tarifave të përgjithshme për shfrytëzimin e lëndës së mbrojtur me të Drejtën e Autorit nga operatorët kabllorë, bëhet e ditur përmes një komunikate për media, transmeton Koha.net. Ministri i…
    Tags: të, për, në, dhe
  • 100
    “Vendbanimet e Kosovës...” për njohjen e shumanshme të venditNjë leksikon akademik mbi gjeografinë rurale të Kosovës do të jetë i qasshëm për studiues e lexues të interesuar. Rezultat i një angazhimi të gjerë prej 36 bashkëpunëtorësh profesionalë, leksikoni “Vendbanimet e Kosovës – Tabloja fizike-hapësinore, demografike dhe funksionale, Vëllimi II – vendbanimet rurale A-LL” është vazhdim i projektit të…
    Tags: të, për, në, dhe
  • 100
    Kongresi i Manastirit, i vitit 1908 ishte Kongresi i unifikimit të një alfabeti të gjuhës shqipeKongresi i Manastirit, Kongresi i unifikimit të një alfabeti të gjuhës shqipe është tubimi i dijetareve shqiptarë më 14 nëntor deri më 22 nëntor të vitit 1908 në Manastir, në qendrën e atëhershme të Vilajetit për përcaktimin e alfabetit të gjuhës shqipe. Gjendja gjatë zhvillimit te letërsisë shqipe ishin hartuar…
    Tags: të, në, dhe, për
  • 100
    Albin Kurti uron për KrishtlindjeMiq të krishterë, gëzuar! Sot në mbrëmje shumë kisha në të gjithë botën do të mbajnë meshën për lindjen e Krishtit, shumë urime do të shkëmbehen, e fëmijët do të marrin dhurata. Mes tyre edhe bashkëkombasit tanë katolikë, ortodoksë, protestantë e ungjillorë shqiptarë, në Ballkan apo diasporë. Po ashtu, shumë…
    Tags: të, për, dhe, në
Comments