Kulturë

Kulla e Reçakut, kujtime të dhimbshme fshihen prapa mureve të saj

Është kulla e kujtesës. Këtu ruhen fotografitë dhe gjërat personale të dëshmorëve të kombit, por edhe të viktimave të masakrës së Reçakut. Nëpërmjet tyre, në odë rrëfehen kujtimet për ta. Historitë janë të llojllojshme.

Ish-ushtari i UÇK-së, Nexhmedin Jakupi, është ciceron i kullës. Ai ka sjellë gjërat personale të babait Ahmet Jakupi dhe vëllait Xheladin Jakupi, viktima të masakrës. Xheladini ishte gjashtëmbëdhjetë vjeç.

Portretet e Adem Jasharit dhe Skënderbeut qëndrojnë ballë për ballë, raporton KTV.

Çanta e dëshmorit të rënë në luftën e Ushtrisë Çlirimtare Kombëtare më 2001 në Maqedoni është amanet i nënës së Ilhami Kamberit për Abdullah Musliun, iniciator për ndërtimin e kullës. Ai e solli në kullë.

Armët janë sjellë nga mërgimtari Shefid Jakupi. Musliu e Jakupi thonë se i ekspozuan meqë ngjasojnë me armët që gjatë shekujve ishin përdorur nga kryengritësit shqiptarë.

Musliu shpjegon arsyet pse bashkëfshatarët vendosën që ta ngrehin kullën si monument kujtese.

Shqiponja është vepër e artistit Përparim Behluli, mësimdhënës i artit.

Bazamenti iu ndërtua qëllimshëm me gurë e në formë plisi.

Kulla u përurua para dy vjetësh. U ndërtua me donacionet e bashkëfshatarëve, mërgimtarëve dhe qytetarëve vullnetarë. Në katin e parë ekspozohen fotografitë dhe bustet e dëshmorëve të Zonës Operative të Nerodimes, dhe fotografitë e viktimave të masakrës së 15 janarit të vitit 1999.

Por brenda e jashtë kullës, nuk ka vend për flamurin e Kosovës.

Mirëpo, gjeneralët me flamurin e Kosovës në krah drekuan në kullë disa ditë pas shndërrimit të FSK-së në Ushtri. Momente si këto, Musliu e Jakupi i përjetësojnë në fotografi.

Makina e komandantit, Ahmet Kaçiku, të rënë katër ditë pas masakrës, është vendosur afër lapidarit të tij. Oborrin e kullës muze e rrethojnë edhe lapidarët e tre dëshmorëve të tjerë.

Një ditë para 21-vjetorit të masakrës, nga dritaret me qemer lëshohet flamuri kombëtar.

Pas pak, lart në odë, jehon kënga e veteranit Beqir Ismajli dhe Lulëzimit, vëlla i dëshmorit Islam Neziraj.

Para se t’u bashkohet, Musliu thotë se shqiptarët u kanë kënduar heronjve e viktimave edhe në përvjetorë betejash e masakrash.

© KOHA.

Facebook Comments

Share This:

Related Posts

  • 96
    Para se të flasim për secilin veç e veç, duhet theksuar fakti se janë të rralla edhe në botën me qytetërim të lartë, kur anëtarët e një familjeje hyn së bashku me historinë e lëvizjes kombëtare të një populli, siç është rasti me familjen e Qeriazëve. Prof. Dr. NEBI DERVISHI…
    Tags: të, në, dhe, për
  • 95
    Kongresi i Manastirit, Kongresi i unifikimit të një alfabeti të gjuhës shqipe është tubimi i dijetareve shqiptarë më 14 nëntor deri më 22 nëntor të vitit 1908 në Manastir, në qendrën e atëhershme të Vilajetit për përcaktimin e alfabetit të gjuhës shqipe. Gjendja gjatë zhvillimit te letërsisë shqipe ishin hartuar…
    Tags: të, në, dhe, për
  • 93
    Në fund të shekullit 19-të tokat e banuara me shqiptarë u vunë përsëri në rrezik kur fqinjët ballkanikë të shqiptarëve filluan aktivisht të ndeshen për të marrë pjesë nga territori i Maqedonisë, kontest që do të shpinte drejt Luftërave Ballkanike. Territori i Kontestueshëm përfshinte edhe katër vilajetet shqiptare. Patriotët shqiptar…
    Tags: të, në
  • 89
    Nga: Driton Krasniqi Mund të ngjajë që një pjesë e konsiderueshme e njerëzve edhe mund të mos jenë në dijeni se liria fetare shtrihet mu në zemër të demokracisë amerikane. Amendamenti i parë i Kushtetutës së SHBA-së përcakton orientimin shtetëror se Kongresi nuk do të themelojë asnjë religjion dhe nuk…
    Tags: të, në, për
  • 89
    Vdekja e Jezusit është ndër ngjarjet më të përfolura ndonjëherë, si dhe një ndër faktet historike më fascinuese. Madje edhe kritikët më të mëdhenj e pohojnë se vdekja e Jezusit në duart e ushtarëve romakë është një fakt i padiskutueshëm historik. Por pse u dënua Jezusi nga Nazareti me vdekje?…
    Tags: të, dhe, për
Comments