Kur nuk dini cila rrugë ju çon te Zoti!
Ju jeni përballur me një vendim të rëndësishëm dhe nuk dini cilën rrugë të ndiqni. E lexoni Biblën tuaj, luteni, kërkoni drejtimin e Perëndisë, por nuk duket se gjeni përgjigje. Ndaj thërrisni: “Perëndi, unë po të ndjek Ty. Ku ke shkuar? Ku të shkoj unë tani?”. Kriza me të cilën jeni përballur është si një oqean i madh përpara jush dhe ju e dini që nuk ka asnjë shteg që mund të ndiqni në oqean. Ju ndiheni si një person i verbër që endeni kuturu për të gjetur rrugën.
Izraelitët e kuptuan shumë mirë atë që ju ndjeni. Kur ata u larguan nga Egjipti, duke lënë pas ato vite të dhimbshme në skllavëri, nuk kaloi shumë kohë para se ata të përballeshin me një krizë: Deti i Kuq ishte pikërisht përpara tyre dhe nuk kishte urë për ta kaluar atë. Ju e dini se çfarë ndodhi: Perëndia e ndau Detin e Kuq dhe Moisiu i drejtoi njerëzit përmes tokës së thatë.
Unë kam vënë re një frazë mjaft interesante te Psalmi 77, vargu 19: “Ti e hape rrugën tënde në mes të detit, shtegun tënd në mes të ujërave të mëdha, dhe gjurmët e tua nuk u njohën.”. Është pjesa e fundit e vargut ajo që më preku mua: “Gjurmët e tua nuk u njohën.”
Më thoni, a jeni edhe ju në këtë pikë? Ju duhet të bëni përpara, por nuk i shihni gjurmët e Perëndisë që t’i ndiqni, sikur të ishit të verbër. Në fakt, te Isaia 42, vargu 16, është një premtim shumë i veçantë për ju:
“Do t’i bëj të verbrit të ecin nëpër një rrugë që ata nuk e njihnin dhe do t’i çoj nëpër shtigje të panjohura; do ta ndryshoj para tyre terrin në dritë dhe vendet dredha-dredha në fushë. Këto gjëra do të bëj për ta dhe nuk do t’i braktis.”
Sa siguri madhështore! Për sa kohë që doni të bëni plotësisht vullnetin e Perëndisë, hidhni hapin e radhës me besim, duke pasur sigurinë që Perëndia do t’ju drejtojë siç ka thënë në këtë varg. Ju nuk keni pse të shikoni përpara, por thjesht hidhni hapin e radhës, dhe përgjatë shtigjeve të panjohura, Ai do t’ju drejtojë. Kështu ka premtuar Ai.
A keni qenë në dijeni të hapave që keni hedhur kur keni marrë vendime të rëndësishme?
Related Posts
- 95
Në leximin e Torës së kësaj jave, do të gjeni një mesazh inkurajimi nëse ndiheni jo të kualifikuar për të qëndruar para Zotit. E vërteta është se çdo person, pavarësisht nëse e di apo jo, nuk është mjaftueshëm i aftë për t’i shërbyer Perëndisë. Gjëja e rëndësishme për të kujtuar… - 95
Personi që zgjedh t’i bindet Perëndisë mund të ketë një impakt të madh në jetën e të tjerëve. Ezekieli 13:1-16 Në librin e Ezekielit, Perëndia thotë: ” Unë kërkova midis tyre një burrë që të ndërtonte një mur dhe t’i dilte për zot vendit, që unë të mos e shkatërroja,… - 94
Ashtu si ne sot, kisha e Korintit luftoi me rolet gjinore dhe çështjet e nënshtrimit, ndal Pali i udhëzoi ata si si duhet të silleshin në mënyrë biblike. Në pamje të parë, ky pasazh mund të duket se ka të bëjë vetëm me faktin nëse gratë mund t’i shkurtojnë flokët… - 94
Kur isha djalë i vogël në Egjipt, gjyshi im ishte një kontraktues ndërtimi me profesion dhe një udhëheqës në Kishën e Vëllezërve. Ai jetonte në një apartament të vogël ngjitur me shtëpinë e kushërinjve të mi dhe kur e kaloja natën me ta, e gjeja veten duke u zgjuar disa… - 94
Po t`i rrëfejmë mëkatet tona, ai është besnik dhe i drejtë që të na falë mëkatet dhe të na pastrojë nga çdo paudhësi. – 1 e Gjonit 1:9 Para se Hollywoodi të xhirojë një film, ka shumë punë që duhen bërë përpara se kamerat të filmojnë. Duhet të ndizen dritat, të…
