Kulturë

Mënyra të thjeshta për t’u ndier më mirë

Siç kemi dëgjuar të thuhet, lumturia është një udhëtim jo një destinacion. Të gjithë ne jemi të ndryshëm. Ne vijmë nga vende e rrethana të ndryshme dhe kemi interes për gjëra  që janë të ndryshme. Por ka diçka universale, që e kërkojmë të gjithë, pavarësisht se cilët jemi, ajo është lumturia. Ne vazhdojmë ta ndjekim lumturinë hap pas hapi, por duket se na rrëshket nga duart. Arritjet nuk sjellin lumturi për një kohë të gjatë.  Vetëm marrëdhënia e ngushtë më Zotin dhe qetësia që ofrohet në prezencën e Tij mund të mbushë shpirtin tonë. Megjithatë ne mund të bëjmë gjëra që na ofrojnë disi çlirimin e tensioneve të ndryshme që mund të kemi grumbulluar gjatë ditës sonë.

Kalo një orë në ditë duke bërë diçka që të pëlqen.

Ndonjëherë jeta bëhet shumë mbytëse  me të gjithë ritmin e saj, dhe ne harrojmë të shpenzojmë kohë  në pasionet tona.  Dedikoji diçkaje që  të pëlqen një orë, nëse nuk e ke një orë në dispozicion atëherë është në rregull edhe gjysmë ore. Mjafton që ditë pas dite ti të bësh dicka që të pëlqen.

Medito nga fjala e Zotit për çdo mëngjes.

Ka shume arsye per ta bere kete, por ndër të tjera Fjala e Perendise ka fuqinë të na sjellë paqen dhe sigurinë në zemrën tonë edhe sikur rrethanat të jenë vërtetë shumë të vështira për t’u përballuar. Kështu do të largosh stresin dhe do të ndihesh më i lidhur me Mbretin e Universit që të do dhe të pranon ashtu siç je.

Kontakto vazhdimisht me familjarët dhe miqtë e tu.

Në këtë moment merr telefonin dhe telefono një të afërm që ndoshta jeton në një tjetër qytet apo në një vend tjetër. Ndoshta ke kohë që ke ndërmend të flasësh me të, po duket se nuk është gjetur koha e duhur. Koha e duhur është tani. Distanca nuk është një arsye e mirë për të humbur kontaktet.

Është në rregull të qash ndonjëherë

Çdo emocioni duhet t’i kushtojmë rëndësi. Në ditë të vështira, kur ndoshta ndien që nga momenti në moment mund të shpërthesh në lot,  është krejt normale që të shkosh në dhomën tënde dhe të çlirosh të gjithë atë që ndien. Ndonjëherë ndihemi të surprizuar se sa të çliruar ndihemi pasi kemi qarë. Madje duket se në raste të caktuara është e vetmja mënyrë që të ecim pëpara me pjesën tjetër të ditës

Ushqehu mirë 

Hani ushqime që ju bëjnë mirë, jo ushqime që ju dëmtojnë organizmin. Trupi ynë është i mrekullueshëm dhe patjetër që duhet të bëjmë të mundur që të mund të marrim të gjitha lëndët ushqyese që i nevojiten. 

Numëro bekimet e tua

Ji mirënjohës për atë çfarë Zoti të ka dhënë. Është shumë e thjeshtë të fokusohemi tek gjërat që nuk kemi, tek ato që mungojnë dhe që do dëshironim që të ishin ndryshe.  Kështu nisim të krahësojmë mundësitë tona me ato të të tjerëvë, arritjet tona profesionale, financiare apo të çdo fushe tjetër. Le të falenderojmë vazhdimisht. Perëndisë i pëlqen falenderimi. Dhe çdo gjë që Ai pëlqen është e mirë edhe për ne. Është vërtetuar se një zemër falenderuese është një zemër e gëzuar.  Mbaj një ditar ku shkruan falenderimet e tua. mund të thuash faleminderit në lutjet e tua. Provoje sot, falendero Perëndinë për atë që po bën në jetën tënde, sepse është plani më i mirë që dikush mund të ketë ndonjëherë dhe falendero njerëzit që janë pranë teje në çdo moment.

Facebook Comments

Share This:

Related Posts

  • 100
    Kur energjia pozitive gërshetohet me virtuozitetin dhe ndjeshmërinë, rezultati nuk ka se si të mos jetë pozitiv. Sidomos kur në skenë bëhen bashkë dy muzikantë siç janë kitaristi i njohur kosovar Petrit Çeku dhe violinisti i njohur belg, Marc Bouchkov, shkruan sot “Koha Ditore”. E ndanë skenën në Prishtinë. Hapën…
    Tags: të, në, që
  • 100
    OJQ “ETEA” dhe Kuvendi i të Rinjve të Prishtinës kanë hapur minibibliotekën në Kampusin Universitar të Prishtinës. Drejtori i ETEA-s, Agron Ahmeti, tha se kanë rifilluar punën me hapjen e minibibliotekave të lagjeve pas sulmeve që u janë bërë. Ai tregoi se kjo është minibiblioteka e 7-të që po hapet…
    Tags: të, në, që
  • 100
    Fjalët e fundit të Steve Jobs janë një “këmbanë” për të gjithë Zoti na ka bërë në një mënyrë, ne mund të ndiejmë dashurinë në zemrën e secilit prej nesh, dhe jo iluzionet e ngritura prej famës apo parasë, si ata që bëra në jetën time. Ata iluzione unë nuk…
    Tags: të, në, që
  • 100
    Ja ku janë pesë çelësa se si të thyejmë skllavërinë nga mëkati në jetën tonë. Agjërimi Një mik përgjegjës Mik lutje I qëndrueshëm në Fjalë… Agjërimi Profeti Isaia, duke shkruar për agjërimin e duhur dhe duke e krahasuar me arsyet e gabuara për agjërim (Isaia 58:3-5), shkroi, “Agjërimi që më…
    Tags: të, në, që
  • 100
    Me një vepër që rikthen imazhet e fuqishme të luftës – të tilla që u shpërndanë gjithandej nëpër media botërore dhe u bënë sinonim i dhimbjes dhe i sakrificës së refugjatëve – Kosova i është përgjigjur sfidës së kuratorëve që Bienalen e Venecias për vitin 2019 e kanë realizuar rreth…
    Tags: të, në, që
Comments