Kulturë

Ministria e Kulturës në Prizren në objekte të huazuara për 15 vjet

Anëtarët e Kuvendit të Komunës së Prizrenit, të enjten, kanë miratuar propozimin e kryetarit Mytaher Haskuka për dhënien në shfrytëzim të dy ndërtesave në pronësi komunale me qëllim të bartjes së një pjese të Ministrisë së Kulturës, Rinisë dhe Sportit në qytetin e vjetër.

Kësisoj me shumicë votash KK-ja e Prizrenit ka obliguar kryetarin Haskuka që të nënshkruajë me MKRS-së kontratën mbi shfrytëzimin e objekteve të ish-Rektoratit të Universitetit të Prizrenit “Ukshin Hoti” në qendër të qytetit, dhe të Internatit (Xhandarmërisë) në lagjen e “Terzinjve”.

Ndonëse Haskuka i kishte propozuar Kuvendit që kohëzgjatja e dhënies në shfrytëzim pa kompensim të këtyre ndërtesave të jetë 10 vjet, pas diskutimeve në seancën e rregullt të Kuvendit, anëtarët e këtij organi janë dakorduar që kjo periudhë të jetë 15 vjet me mundësi vazhdimi. Vendimi në fjalë është përshëndetur nga drejtuesit e MKRS-së, të cilët kanë bërë të ditur se tashmë është hapur rruga për jetësimin e premtimit për bartjen e MKRS-së në Prizren.

Zhvendosjen e Ministrisë së Kulturës, kryetari i PDK-së, Kadri Veseli, ua kishte premtuar prizrenasve qysh në fushatën elektorale të qershorit të vitit të kaluar. Më pas atë e kishte shpalosur Kujtim Gashi, në ditën e dytë si ministër i Kulturës në shtator, e në fillim të tetorit e kishte miratuar edhe Qeveria e Kosovës

Facebook Comments

Share This:

Related Posts

  • 100
    Prishtinë, 28 qershor – Pasi veprat e tij kanë shëtitur gjithandej botës, fillimi i korrikut, Sislej Xhafën do ta gjejë në Kosovë. Për dallim prej ekspozitave të tjera që organizon Galeria Kombëtare e Kosovës, ajo e Xhafës nuk do të ndalet vetëm në objektin e këtij institucioni. E as vetëm…
    Tags: të, në
  • 100
    Festivali i cili hulumton hapësirat publike këtë vit paralajmëron eksplorimin e limiteve dhe ndryshimin e këndvështrimit për qytetin. Me temën “Të lëvizësh qytetin”, edicioni i katërt i “Hapu” për tri ditë do të mbushë rrugët e kryeqytetit me performanca e aktivitete kulturore. Shtatë lokacione të ndryshme do të shndërrohen në…
    Tags: të, në
  • 100
    Në kuadër të programit special të edicionit të 9-të të Festivalit të filmit të animuar Anibar, ju sjellim prezantimin e regjisores Luce Grosejan nga Franca, e cila do të prezantojë lidhur me temën “Vizioni i femrës për seksin në animacion”. Kinemaja, interneti, gjegjësisht bota në të cilën jetojmë, ka mbuluar…
    Tags: në, të
  • 100
    Performanca unike e artistit kosovar, e cila për herë të parë u prezantua në Runik në muajin korrik, vazhdon rrugëtimin si ekspozitë në Torino të Italisë. “Shkrepëtima” do të shpaloset në “Fondazione Merz”, prej datës 29 të muajit tetor dhe do të qëndrojë e hapur deri më 3 shkurt të…
    Tags: të, në
  • 100
    Pak më shumë se gjysmë viti e kanë në dispozicion autoritetet e Kosovës dhe ato të Serbisë, për të mbërritur një marrëveshje gjithëpërfshirëse dhe ligjërisht obliguese, në kuadër të asaj që e kanë cilësuar fazë përfundimtare të dialogut. Kjo meqë marrëveshja synohet të mbërrihet në kuadër të mandatit aktual të…
    Tags: të, në
Comments