LAJMET E FUNDIT

Mustafa: Avancimi i rolit të FSK-së në Ushtri është në interes të të gjithë qytetarëve të Kosovës

Qeveria e Republikës së Kosovës, posa të marrë nga Kuvendi Projektligjin me të cilin propozohet që FSK-së t’i jepet roli i ushtrisë, do ta trajtojë sipas rregullores nga Ministria e FSK-së, Ministria e Integrimeve Evropiane dhe Ministria e Financave, në mënyrë që ai të jetë në harmoni me Kushtetutën e Republikës së Kosovës dhe të ketë mbështetje buxhetore.

Projektligji është propozuar nga Presidenti i Republikës së Kosovës, si Komandant Suprem i FSK-së. Për propozimin e këtij Projektligji, Kryeministri është njoftuar nga Presidenti më datë 5 mars, para se ai ta bënte publike këtë iniciativë në fjalimin e tij në Kazermën “Adem Jashari”, me rastin e Epopesë së UÇK-së.

Bazuar në Rezolutën e Kuvendit të Republikës së Kosovës, që rezultoi nga debati për FSK-në të datës 14 shkurt të këtij viti, Kryeministri kishte kërkuar nga Ministri i FSK-së që të përgatitet Strategjia për shndërrimin e FSK-së në Forcë të Armatosur, përkatësisht në ushtri, qoftë përmes ndryshimeve kushtetuese apo ndryshimit të Ligjit mbi FSK-në duke zhvilluar një debat të gjerë me të gjitha palët, me qytetarët, shoqërinë civile, komunitetet dhe përfaqësuesit e tyre, në mënyrë që të tejkalohen kushtëzimet dhe bllokadat që po i bëhen transformimit të FSK-së përmes ndryshimeve kushtetuese.

Më datë 14 shkurt 2017, Kryeministri mori letër nga Sekretari i NATO-s, Stoltenberg, në të cilën Sekretari i NATO-s shpreh falënderimet për pritjet gjatë vizitës së tij në Kosovë por edhe qëndrimet e qarta se NATO do të vazhdojë bashkëpunimin me FSK-në vetëm në mandatin ekzistues.

Në bisedën e djeshme telefonike (8 mars 2017) Sekretari i NATO-s, Stoltenberg ka kërkuar nga Kryeministri që të rishqyrtohet ndryshimi i mandatit të FSK-së përmes ligjit, për çfarë shprehin shqetësime anëtarët e Aleancës Veriatlantike. Qëndrime të ngjashme, Kryeministri ka marrë këtë javë edhe nga Ambasadori i Shteteve të Bashkuara të Amerikës si dhe nga Ambasadori i Mbretërisë së Bashkuar.

Kryeministri vlerëson se themelimi i Ushtrisë së Kosovës nuk mund të mbetet peng i Serbisë, përkatësisht Beogradit. Avancimi i rolit të FSK-së në Ushtri është në interes të të gjithë qytetarëve të Kosovës, pa marrë parasysh përkatësinë e tyre etnike.

Qeveria e Republikës së Kosovës është e përcaktuar që Kosova ta ketë Ushtrinë e saj, në suaza të hapësirës së Kushtetutës së Republikës së Kosovës dhe në mbështetje dhe bashkërenditje me partnerët tanë strategjikë, Shtetet e Bashkuara të Amerikës dhe NATO-n./Zeri/

Facebook Comments

Share This:

Related Posts

  • 83
    Me propozimin e Zyrës së Kryeprokurorit të Shtetit, Ministria e Drejtësisë në shenjë mirënjohje për kontributin e dhënë në ndërtimin e sistemit të pavarur të drejtësisë në Kosovë, iu ka ndarë Çmimin për Drejtësi “Sali Çekaj” prokurorëve: Drita Hajdari, nga Prokuroria Speciale e Republikës së Kosovës, Admir Shala, nga Prokuroria…
    Tags: të, në, nga, së, kosovës
  • 80
    Sot bëhen tri vjet nga nënshkrimi i marrëveshjes së parë mes Kosvës dhe Serbisë, në Bruksel. Hashim Thaçi, atëherë kryeministër i Kosovës, dhe Ivica Daqiq i Serbisë, hodhën firmën në marrëveshjen 15 pikëshe, me qëllim të normalizimit të mardhënieve mes të dy vendeve. Marrëveshja e 19 prillit, ndër të tjera…
    Tags: të, në
  • 78
    Në dalje nga Kosova në Shqipëri në vendkalimin kryesor nëpër Autostradën e kombit, në Vërmicë-Morinë, mëngjesin e sotëm para orës 08:00 kishte radhë 100-120 metra, ndërsa nga ora 09:00 në radhë 20-30 metra kalohej për 10 deri 15 minuta. Në hyrje nga Shqipëria në Kosovë nuk kishte radhë në orën…
    Tags: në, të, nga
  • 78
    Për nder të festës së pavarësisë së Kosovës, sot, në të gjitha Ambasadat e Republikës së Kosovës, organizohet pritje për korin diplomatik, zyrtarë shtetesh, si dhe personalitete të rëndësishme të shteteve përkatëse. Ceremonitë do të mbahen në orë të ndryshme. Po për festën e pavarësisë, Ministria e Kulturës, Rinisë dhe…
    Tags: të, në, së, kosovës, nga
  • 75
    Sot në Komisionin Qendror të Zgjedhjeve të Republikës së Kosovës qëndroi për vizitë një delegacion i Komisionit Qendror të Zgjedhjeve i Republikës së Shqipërisë. Thellimi i bashkëpunimit ndërmjet dy institucioneve si dhe anëtarësimi i KQZ-së së Kosovës në Asociacionin e Zyrtarëve Zgjedhor Evropian (ACEEEO) ishin temat kryesore të këtij takimi.…
    Tags: të, në, së, kosovës
Comments