Kulturë

Muzeu i Bernës heton origjinën e veprave që iu dhuruan

Bernë, 7 janar – Muzeu i Arteve të Bukura në Bernë ka nisur hetimet për origjinën e veprave më të rëndësishme që i janë dhuruar nga një koleksionist, e po ashtu edhe për mënyrën se si ato kanë arritur të jenë në koleksionin e tij.

Kur zvicerano-braziliani i famshëm, Georges F. Keller, filloi t’i dhuronte këtij muzeu piktura nga mjeshtër të tillë si Henri Matisse dhe Salvador Dali, ai njihej si tregtar i respektuar i artit.

Keller ia dhuroi 116 vepra muzeut, duke përfshirë “Bluzën blu” të Matisse (1936), mes viteve 1950 dhe 1981, kur ai vdiq.

Vitin e kaluar, megjithatë, një hulumtues i muzeut gjeti një dokument arkivor, i cili sugjeron lidhje mes Kellerit dhe nazistëve.

“Është përgjegjësia jonë të hetojmë me saktësi dhe të verifikojmë edhe një herë se si këto vepra që na i dhuroi Georges F. Keller, në një mënyrë shumë bujare, kanë arritur të jenë në koleksionin e tij”, ka thënë Nina Zimmer, drejtoreshë e Muzeut të Arteve të Bukura në Bernë.

Sipas dokumenteve arkivore të botuara nga Biblioteka Frick e Referencës së Artit, Keller kishte qenë partner biznesi me Etienne Bignou, një francez që tregtonte vepra arti me gjermanët në Parisin e pushtuar nga nazistët.

Keller dhe Bignou punuan së bashku në Paris në galerinë Georges Petitit, e cila specializohej në veprat impresioniste derisa u mbyll në vitin 1933.

Bignou më pas ngriti galerinë e tij në kryeqytetin francez me Kellerin si partner, i cili gjithashtu kishte kombësinë franceze.

Sipas dokumenteve, Keller më vonë u bë drejtor i degës së New Yorkut në galerinë Bignou.

Për Muzeun e Bernës, dhurimet me lidhje të mundshme me nazistët nuk janë gjë e re. Në një rast tjetër të ngjashëm, muzeu u përpoq t’ua kthente thesaret pronarëve të tyre të ligjshëm/ AFP/”Koha Ditore”

Facebook Comments

Share This:

Related Posts

  • 86
    Krishtlindja është si një festë e shenjtë fetare dhe një fenomen global kulturor dhe komercial. Për dy mijëvjeçarë, njerëzit në mbarë botën e kanë vëzhguar atë me tradita dhe praktika të cilat janë të natyrës fetare dhe sekulare. Të krishterët festojnë Ditën e Krishtlindjeve si përvjetorin e lindjes së Jezusit…
    Tags: të, në, dhe, një
  • 82
    Që nga 17 shkurti i këtij viti kur edhe Kosova shënoi ditëlindjen e saj të dhjetë, Muzeun e Kosovës e kanë vizituar mbi 7 mijë vizitorë, ku një numër i konsiderueshëm prej tyre janë turistë të huaj. Kështu ka bërë të ditur drejtori i Muzeut të Kosovës, Skënder Boshtrakaj në…
    Tags: të, në, dhe, që
  • 82
    Ka filluar kremtimi i Javëve të Frankofonisë në Kosovë, aktivitet ky që kremtohet çdo vit në muajin mars, në më shumë se 70 vende të botë. Ministria e Punëve të Jashtme e Kosovës si koordinatore vendore e Frankofonisë në Kosovë, së bashku me përfaqësitë diplomatikë të Francës, Belgjikës, Luksemburgut, Zvicrës…
    Tags: të, në, dhe, që
  • 82
    Para se të flasim për secilin veç e veç, duhet theksuar fakti se janë të rralla edhe në botën me qytetërim të lartë, kur anëtarët e një familjeje hyn së bashku me historinë e lëvizjes kombëtare të një populli, siç është rasti me familjen e Qeriazëve. Prof. Dr. NEBI DERVISHI…
    Tags: të, në, dhe
  • 82
    Edicioni i 17-të i festivalit të filmit që mbahet parvjetshëm në Prizren “ DokuFest”, këtë vit do të mbahet në datat 3-11 gusht. Drejtoresha e këtij festivali, Nita Deda, në konferencën e parë për media të këtij edicioni, ka shpalosur informacione rreth programit të festivalit që këtë vit trajton si…
    Tags: të, në, dhe, që
Comments