Kulturë

Në Galerinë Kombëtare të Kosovës u hap ekspozita personale e Agron Blakçorit

Prishtinë, 16 mars – Nuk ndodh fort shpesh që një artist të sfidohet deri në atë masë që brenda hapësirës së një galerie të fusë mbeturina. Agron Blakçori me kuratorin Mehmet Behluli e kanë bërë këtë gjë. Në pjesën qendrore është rikrijuar fotografia që artisti e kishte realizuar në lagjen e tij në Podujevë – e që shpërfaq një rrethojë hekuri me qese plastike e të rrethuar me mbeturina.

Në një “dhomë” tjetër të Galerisë Kombëtare të Kosovës shpërfaqen fotografi të realizuara në Berlin – që e nxjerrin në pah anën tjetër të qytetit gjerman, duke ekspozuar shishe qelqi e plastike të shkapërderdhura gjithandej. Këto fotografi Blakçori i kishte ekspozuar në “TRAFFIC Gallery” në Prishtinë vitin e kaluar. Pjesë e ekspozitës së tij personale të hapur të enjten mbrëma në GKK, janë edhe bocetat e shtatoreve që i kishte realizuar për konkurse të ndryshme. Të vendosura në një pozitë jo fort të zakonshme – prej më të voglës deri më të madhen me shikimin nga muri – në to shihen heronj e protagonistë historie, përfshirë Ismail Qemalin, Mbretin Zog, Ibrahim Rugovën e Nënë Terezën. Disa prej tyre, Blakçori i kishte ekspozuar në dhjetor të vitit që shkoi, në kuadër të ekspozitës “Monument” të hapur në galerinë e Fakultetit të Artit. Kësisoj, del që ekspozita e tij personale “A mund ta imagjinosh këtë si diçka të bukur?” përmbledh në një version të zgjeruar në punët e tij, të ekspozuara më parë. Të gjitha veprat e tij shtrojnë pyetjen sipas së cilës ka marrë titullin ekspozita. Pyetjet që shtron Blakçori lidhen kryekëput me realitetin. Për shembull, në një tjetër dhomë, shihet një valixhe e mbushur me beton. Të betonuara janë edhe dy këpucë pranë saj. Kësisoj, artisti ironizon me lirinë e lëvizjes së kosovarëve.

Agron Blakçori, i diplomuar në Fakultetin e Arteve të Universitetit të Prishtinës, më 2016 ishte fitues i edicionit të parë të “Artistëve të rinj” , organizuar prej Galerisë Kombëtare të Kosovës. Ekspozita e tij personale e hapur në GKK është pjesë e këtij çmimi

Facebook Comments

Share This:

Related Posts

  • 100
    Fjalët e fundit të Steve Jobs janë një “këmbanë” për të gjithë Zoti na ka bërë në një mënyrë, ne mund të ndiejmë dashurinë në zemrën e secilit prej nesh, dhe jo iluzionet e ngritura prej famës apo parasë, si ata që bëra në jetën time. Ata iluzione unë nuk…
    Tags: të, në, që
  • 100
    Kur energjia pozitive gërshetohet me virtuozitetin dhe ndjeshmërinë, rezultati nuk ka se si të mos jetë pozitiv. Sidomos kur në skenë bëhen bashkë dy muzikantë siç janë kitaristi i njohur kosovar Petrit Çeku dhe violinisti i njohur belg, Marc Bouchkov, shkruan sot “Koha Ditore”. E ndanë skenën në Prishtinë. Hapën…
    Tags: të, në, që
  • 100
    A jeni ndjerë ndonjëherë sikur endeshit të vetëm në errësirë, duke mos ditur se çfarë ju priste në hije, apo nëse drita do të shkëlqente sërish? Dishepujt patën një përjetim të ngjashëm, gjatë një stuhie të befasishme në det, e cila është treguar me hollësi tek Mateu 8. Edhe pse…
    Tags: të, në, që
  • 95
    Politizimi i bordeve të ndërmarrjeve publike, po shihet si një prej faktorëve që po i çon këto ndërmarrje drejt procesit të falimentimit. Përfaqësues të shoqërisë civile të cilët kanë realizuar hulumtime për emërimet në këto pozita, thonë se një dukuri e tillë i ka përcjellë të gjitha qeveritë e deritashme…
    Tags: të, në
  • 95
    Duke nisur nga dita e premte do të nisi kufizimet në qarkullimin e mjeteve të rënda për transportin rrugor të mallrave përgjatë sezonit turistik dhe festave. Referuar udhëzimit të publikuar ditën e sotme në “Fletoren Zyrtare”, ndalohet qarkullimi i një së mjetesh rrugore. Këto të fundit përfshijnë mjete me peshë…
    Tags: të, në, që
Comments