Kulturë

“Nëntor i ftohtë” pas çmimit në Gjermani, niset për në Austri

Filmi “Nëntor i ftohtë” i regjisorit kosovar Ismet Sijarina ka marrë Mirënjohjen Speciale të Jurisë në festivalin e filmit “GoEast”, në Wiesbaden të Gjermanisë. Ky është çmimi i tretë me radhë që rrëmben ky film, i cili javën që vjen do ta vazhdojë rrugëtimin në Linz dhe Vjenë të Austrisë.

Regjisori Ismet Sijarina ka thënë se është i lumtur që puna e realizuar nga i gjithë stafi po kurorëzohet me sukses. Për ta është kënaqësi e jashtëzakonshme të kenë mundësi të ndajnë filmin me publikun dhe kritikën ndërkombëtare.

“Çka unë e shoh të rëndësishme është pjesëmarrja në top-festivale, ngase vetëm ta shfaqësh filmin në konkurrencë zyrtare të këtyre festivaleve për ne do të thotë shumë”, ka thënë Sijarina.

“GoEast”, edicioni i 19-të i të cilit ka përfunduar të martën mbrëma me ndarjen e çmimeve, është festival i përkushtuar ndaj përvojës kinematografike, zhvillimeve të reja dhe temave të rëndësishme, trashëgimisë artistike të filmit të vendeve të Evropës Lindore. Më shumë se 100 filma artistikë, dokumentarë dhe filma të shkurtër janë shfaqur gjatë shtatë ditëve të festivalit, i cili mbahet çdo vit në muajin prill që nga viti 2001. Është i angazhuar për ngritjen e vetëdijes publike, diversitetit dhe pasurisë e kinemasë.

Çmimi kryesor në këtë edicion të festivalit shkoi për filmin “Acid” nga Rusia, nën regji të Alexander Gorchilin. Agjenda e festivalit “GoEast”, e konceptuar si një forum i dialogut lindje-perëndim, dominohet nga pyetjet e identiteteve të shumëfishta evropiane dhe proceseve të transformimeve të shpejta sociale dhe politike.

“Nëntor i ftohtë” u dha premierë botërore në edicionin e 66-të të Festivalit Ndërkombëtar të Filmit të San Sebastianit në Spanjë, në shtator të vitit të kaluar.

Facebook Comments

Share This:

Related Posts

  • 100
    Më 23 tetor 1891 u çel në Korçë shkolla e parë shqipe për vajza. Në kushtet e ndjekjeve nga qeveria osmane, hapja e saj u bë në saje të pasaportës së huaj që mbante themeluesi i saj Gjerasim Qiriazi. Qysh në vitin e parë numri i nxënëseve u rrit në…
    Tags: të, në
  • 100
    Më 27 shkurt të vitit 1897 u botua në Stamboll “Alfabetarja e gjuhës shqipe”, e cila u botua me nismën e atdhetarëve Sami Frashërit, Jani Vretos e Pashko Vasës. Ishte një nga veprimtaritë më të rëndësishme të patriotëve shqiptarë të Stambollit, të cilët më 12 tetor 1879 themeluan “Shoqërinë e…
    Tags: të, në
  • 100
    Ne vazhdimisht në ditët e sotme shpërqendrohemi dhe  nxitojmë të bëjmë gjëra të tjera ndërsa hamë. Kërkimet kanë treguar se problemet me shëndetin, dhembja dhe ankthi, e madje edhe depresioni  mund të vijnë për shkak se ne nuk i bëjmë më gjërat gjatë ditës duke u dhënë rëndësinë e duhur.…
    Tags: të, në
  • 100
    Në kuadër të programit special të edicionit të 9-të të Festivalit të filmit të animuar Anibar, ju sjellim prezantimin e regjisores Luce Grosejan nga Franca, e cila do të prezantojë lidhur me temën “Vizioni i femrës për seksin në animacion”. Kinemaja, interneti, gjegjësisht bota në të cilën jetojmë, ka mbuluar…
    Tags: në, të
  • 100
    Edicioni i 9-të Festivali Ndërkombëtar i Letërsisë ‘Polip’ fillon këtë të premte më 10 maj, në Prishtinë, në ora 19:00, në modelariumin e Fakultetit të Arkitekturës. Këtë vit ‘Polip’ fokusohet në nocionin e ‚ujdisë letrare’ dhe botëkuptimeve rreth saj si një proces negociator artistik që u mundëson shkrimtarëve e artistëve…
    Tags: të, në
Comments