Një udhëtim përmes librit më të madh që i është dhënë ndonjëherë universit
Në këtë program dëshirojmë të ndërmarrim një udhëtim përmes librit më të madh që i është dhënë ndonjëherë universit: Fjalës së Zotit, Biblës.
Besoj se ky program, ashtu si edhe shumë programe të tjera që do të pasojnë, do të jetë një udhëtim jetëndryshues. Përmes këtij udhëtimi do të ndalemi në kapituj të ndryshëm të Biblës, të cilët do të jenë për ne udhërrëfyes, burim gëzimi, ngushëllimi, shprese dhe mësimesh të çmuara për jetën.
Herë pas here, gjatë këtij udhëtimi, mund të bëjmë edhe ndonjë devijim të bukur për të dëgjuar disa shërbëtorë të Perëndisë, të cilët do të lexojnë kapituj të veçantë dhe do të na ndihmojnë t’i shohim Shkrimet nga një këndvështrim i ri.
Megjithatë, mënyra më e mirë për të përfituar nga ky program është që ta lexojmë së bashku kapitullin që do të trajtojmë. Prandaj, ju ftojmë ta hapni Biblën dhe të lexoni bashkë me ne.
Kapitulli i sotëm: 1 Samuelit 9
Sot do të ndalemi te 1 Samuelit, kapitulli 9, dhe do të trajtojmë një temë të rëndësishme:
Dhuratat dhe Karakteri
Çfarë vlere kanë dhuntitë tona pa karakterin e duhur? Çfarë na mëson Fjala e Zotit për mënyrën se si duhet t’i përdorim dhuratat që Perëndia na ka dhënë?
Le të nisim së bashku këtë udhëtim përmes Fjalës së Zotit dhe të zbulojmë mësimet, të vërtetat dhe thesaret që ajo ka për secilin prej nesh.
Folës: Pastor Jeton Sokoli
