Radio 7 Kosova filloi transmetimet online në 25 Dhjetor të vitit 2011. Që prej fillimit Radio 7 Kosova ka dashur të jetë zëri pozitiv për Kosovën, qytetet dhe fshatrat e saj. Më një staf të përkushtuar dhe programe cilësore Radio 7 Kosova dëshiron të ndërtojë një shoqëri ku vlerat mbrohen. Ne i japim një rëndësi të veçantë mirëqenies fizike, emocionale dhe shpirtërore të çdo dëgjuesi.
Ne filluam përmbushjen e këtij vizioni përmes ideimit dhe realizimit të programeve cilësore derisa më 14 Shkurt të vitit 2014 filluam transmetimin në fm në frekuencën 106 fm në Fushë Kosovë dhe Prishtinë. Tashmë ju mund të na dëgjoni si në fm dhe online 24 orë në 24. Mund të vizitoni dhe faqen tonë në internet në www.radio-7kosova.net. Gjithashtu mund të na gjeni me aplikacionin tonë në platformën Android.
Nëpërmjet transmetimeve të saj Radio 7 Kosova kërkon t’ju jap dëgjuesve pushim dhe paqe pavarësisht se sa e zhurmshme është dita në qytetet ku jetojmë. Në 106 fm, dita nis gjithmonë pozitivisht me minutat e programit të mëngjesit. Për një zgjim sa më energjik e me rubrika të larmishme, të ftuar në studio, si dhe pasqyrim i eventeve të komunitetit ndiqni programin Zëri i Mëngjesit. Më pas transmetimi vazhdon me hitet pozitive të momentit në programin KRASH. Intervista nga artistët dhe mesazhet pas këngëve të tyre, sjellin shpresë dhe u japin kuptim këngëve që transmetojmë. Të tjera programe shoqërojnë dëgjuesit duke u dhënë këshilla për problemet e jetës së tyre të përditshme.
Informimi juaj është shumë i rëndësishëm për ne, ndaj në valët tona do të dëgjoni edicionet informative flesh përgjatë çdo orë. Gjithashtu nuk mungojnë analizat e ngjarjeve më të rëndësishme dhe përmbledhje javore e aktualitetit.
Folës të tjerë të njohur shqiptarë e të huaj përcjellin programe me mesazhe inkurajimi dhe të vërteta. Këto programe sjellin drejtim dhe inkurajim në jetën kaotike të kosovarëve. Shijoje Jetën, Rruga, Shpresë për Ty, Të lirë nga prangat, janë titujt e disa prej programeve që ndër vite kanë pasur një audiencë besnike e që ndiqen me kërshëri nga më të rinjtë e deri tek më të vjetrit.
Fjalët në këtë tekst nuk do të mjaftonin për të përshkruar të gjithë punën që ndodh çdo ditë në dhe përmes Radio 7 Kosova, por ju mund ta dëgjoni 24 orë në 24 përmes internetit apo valë të shkurtra fm. Jeto dhe ndiko komunitetin tënd pozitivisht!
