LAJMET E FUNDIT

Shtetet e BE-së kërkojnë përfshirjen në dialog, dyshojnë në Mogherinin

Shtete anëtare të Bashkimit Evropian kërkojnë që të përfshihen në fazën përfundimtare të dialogut mes Kosovës e Serbisë i cili do të çonte në një marrëveshje ligjërisht obliguese për një normalizim zë plotë të marrëdhënieve, ka mësuar Radio Evropa e Lirë, edicioni në gjuhën serbe.

Siç kanë thënë burimet evropiane, shtetet anëtare kanë nisur të shfaqin shqetësimin e tyre në lidhje me mungesën e transparencës rreth dialogut politik, veçanërisht në kapitullin që ka të bëjë me marrëveshjen përfundimtare.

Kjo u theksua qartë të premten e kaluar, në takimin ku përfaqësuesit e shërbimit të politikës së jashtme të BE-së gojarisht njoftuan përfaqësuesit e vendeve anëtare për procesin e dialogut.

Burimet nga ky takim kanë konfirmuar për REL-in, transmeton Koha.net, se shtetet anëtare nuk janë të kënaqura me faktin se janë të përjashtuara tërësisht nga ky proces. Siç sqarojnë burimet diplomatike, ekipi që udhëheq dialogun në Bruksel në asnjë moment nuk konsulton shtetet anëtare, madje as ato që konsiderohen të mëdha apo më të rëndësishme.

“Dialogu po hyn në një fazë kritike, ndërsa shtetet anëtare nuk janë të përfshira në ndërtimin e marrëveshjes përfundimtare e cila do të jetë historike. Ne po bëhemi dyshues se përse ekipi i (përfaqësueses së BE-së për politikë të jashtme dhe siguri) Federica Mogherinit gjithë këtë e mban në fshehtësi të plotë”, ka thënë për REL-in një burim diplomatik që ka marrë pjesë në takim.

Ai bashkëbisedues ka sqaruar se raportimet e ekipit të Federica Mogherinit rreth dialogut janë në përgjithësi “me notë sipërfaqësore dhe pozitive” me të vetmin konfirmim se të dyja palët, edhe Prishtina edhe Beogradi, janë të angazhuara për arritjen e një marrëveshjeje gjithëpërfshirëse, transmeton Koha.net.

Një prej hapave për të cilët aktualisht po bisedohet është ideja që kjo çështje të përfshihet në konkluzat përfundimtare në Samitin e qershorit ku shefat e shteteve dhe të qeverive të BE-së do të diskutojnë për mundësitë në Ballkanin Perëndimor.

Një burim diplomatik ka konfirmuar për REL-in se po punohet në atë drejtim që njëra nga pikat në konkluzat përfundimtare është kërkesa që të “përfshihen” edhe shtetet e BE-së në përgatitjen e marrëveshjes mes Kosovës e Serbisë.

Facebook Comments

Share This:

Related Posts

  • 100
    “Shota” rrezikon vazhdimësinë në mungesë të gjeneratës së reJanë gjithsej 22 kandidatë nga 75 konkurrentë, të vlerësuar maksimalisht për të nisur kursin për vallëzim. Sa i përket këndimit, nga 20 që i kanë hyrë garës, pikët më të larta i kanë arritur 11 prej tyre. E për instrumentistë, komisionit vlerësues ia kanë mbushur mendjen 2 nga 6 sa…
    Tags: të, në, për, që
  • 100
    “Anibari” synon të nxisë edhe të shkruaritTetë të rinj nga vende të ndryshme janë bërë bashkë në Pejë për të mësuar më shumë sesi të shkruajnë një kritikë për film, por edhe sesi të raportojnë nga një festival. Kjo masterklasë po mbahet në kuadër të edicionit të dhjetë të Festivalit Ndërkombëtar të Filmit të Animuar. Olga…
    Tags: të, në, që, për
  • 100
    “Through Arts We Rise” në kohë pandemie kthen vëmendjen për të pastrehëtNë fillim të këtij viti artistja Alketa Xhafa-Mripa kishte themeluar një organizatë për të adresuar çështjet shoqërore nëpërmjet artit. E kishte titulluar “Through Arts We Rise” (Përmes artit ne lartësohemi). Këtë muaj artistja që jeton në Londër i është përveshur punës. Përmes kësaj organizate ka hapur thirrjen e parë për…
    Tags: të, që, në, për
  • 100
    Ministria e Kulturës synon që bartja në Prizren të nisë në korrikMinistria e Kulturës planifikon që gjatë muajit korrik, një pjesë e kabinetit të ministrit të bartet në Prizren. Për të marrë epilog kjo çështje pritet që së shpejti Komuna e Prizrenit dhe Ministria e Kulturës të nënshkruajnë një marrëveshje për shfrytëzimin e objekteve që i janë ndarë MKRS-së në qytetin…
    Tags: të, që, në, për
  • 100
    Të qëndrosh besnikZoti do t’u japë një vizion më të fuqishëm  atyre që janë besnikë me atë gjë  që Ai u ka ngarkuar në këto momente. Bibla na mëson se Zoti shpërblen shërbyesit e Tij besnikë: Dhe zoti i tij i tha: “Të lumtë, shërbëtor i mirë dhe besnik; ti u tregove…
    Tags: të, që, në, për
Comments