LAJMET E FUNDIT

Të larguarit nga VV mund të bëhen tërheqës për strukturat në pushtet

Problemet e fundit që ndodhën në Lëvizjen Vetëvendosje, që pas zgjedhjeve të fundit arriti të bëhej partia më e madhe në vend, shkaktoi mospajtime të shumta që e çuan atë edhe drejt ndarjes.

Nga 32 deputetë, sa pati Lëvizja Vetëvendosje, 12 prej tyre formuan Grupin e Deputetëve të Pavarur (GDP), një deputete u rikthye prej nga kishte ardhur në këtë parti, duke bërë kështu VV-në forcën e tretë në Kuvend, me 19 deputetë.

Grupi i Deputetëve të Pavarur, shef i së cilës është Dardan Sejdiu, pritet që shpejt të formojë edhe partinë e vet.

Analisti Artan Muhaxhiri, në një prononcim për Koha.net, ka folur për ndarjen e këtyre deputetëve nga VV dhe mundësitë që ata do të mund të arrinin sukses.

“Grupi i Deputetëve të Pavarur është në filiza të subjektivizimit, prandaj do t’i duhet kohë dhe resurse që të konstituohet dhe konsolidohet në terrenin elektoral, në spektrin politik dhe në sferën publike. Formacioni partiak i GDP-së aktualisht është në gjendje të potencialitetit”, ka thënë Muhaxhiri.

Muhaxhiri ka shtuar se e ardhmja e GDP-së do të varet nga dija dhe aftësia që të formësojë identitet të bazuar në ndërlidhjen subtile në mes të trashëgimisë politike nga Lëvizja Vetëvendosje dhe shndërrimit në një alternativë më pragmatike, me mundësi reale të ardhjes në pushtet për aplikim konkret të ideve.

“Do t’i duhet ta bëjë një ribrendim kualitativ, me qëllim që të mos distancohet nga e kaluara, por as të mbetet peng i saj. GDP-ja mund të ketë gjasa për sukses nëse do të anojë më shumë drejt teknokracisë dhe fokusimit në ofrimin e strategjive të sistematizuara për trajtimin e problemeve në disa prej segmenteve si ekonomia, mirëqenia, shëndetësia, arsimi”, shtoi Muhaxhiri në një përgjigje për Koha.net.

Tutje, ka thënë se kjo do të ishte mënyra e duhur për t’u veçuar nga moria e amatorizmave të dëmshme afatgjate që e kanë pllakosur jetën tonë institucionale.

Sipas tij, nëse GDP-ja do të identifikohej si aleate politike me kapital teknokratik dhe kapacitete të specializuara për administrimin racional zhvillimor të pjesëve të caktuara të sistemit, atëherë partitë tjera do ta shihnin të dobishme të tregonin gatishmëri për përfshirjen e saj në konstalacionet qeveritare.

Kujtojmë se në GDP bëjnë pjesë këta deputetë: Dardan Sejdiu, Aida Dërguti, Visar Ymeri, Faton Topalli, Fisnik Ismaili, Dukagjin Gorani, Driton Çaushi, Frashër Krasniqi, Dardan Molliqaj, Besa Baftiu, Salih Salihu dhe Shqipe Pantina.

Facebook Comments

Share This:

Related Posts

  • 100
    GAP: “Kosova e Re” do të rëndojë ekonomitë familjare, bizneset dhe do të ndikojë negativisht në Buxhet Instituti GAP ka mbajtur një konferencë për media ku është prezantuar një pjesë e analizës me titull “Ndikimi i TC ‘Kosova e Re’ në tarifat e energjisë elektrike”. Agron Demi, analist i politikave…
    Tags: të, në, për
  • 100
    Festivali ndërkombëtar i muzikës tashmë ka rezervuar datat për edicionin e radhës. Mbrëmjet muzikore të “DAM”-it sivjet shtrihen prej 29 marsit e deri më datën 3 të muajit prill. Nëpërmjet programit muzikor festivali do ta shënojë 100-vjetorin e përfundimit të Luftës Botërore, duke mëtuar të bëjë thirrje për paqe në…
    Tags: të, në, për
  • 100
    Pas kërkimeve të jashtëzakonshme në Arkivat e Romës në Bosnje dhe në Kroaci, studiuesja e njohur Blerina Suta ka zbuluar fakte që hedhin dritë në jetën dhe veprën ende të panjohur të At Gjegj Fishtës, shkruan ‘Shqiptarja’. Ajo ka zbuluar poezinë e parë të At Gjergj Fishtës dhe një dëftesë…
    Tags: të, në, për
  • 95
    Prishtinë, 5 prill – Veprat e kompozitorit kosovar Artan Hasani janë luajtur nëpër vende të ndryshme të botës, por në Kosovë për herë të parë disa prej tyre u prezantuan në një natë të vetme. “Recital krijues” u quajt mbrëmja ku shtatë vepra të ndryshme të tij u luajtën për…
    Tags: të, për, në
  • 93
    Drejtoreshës Ekzekutive të QKRMT-së, Feride Rushitit, do t’i ndahet Çmimi Ndërkombëtar për Gratë e Guximshme Qendra Kosovare për Rehabilitimin e të Mbijetuarve të Torturës (QKRMT), përmes kësaj komunikate ju njofton se Drejtoresha e kësaj qendre Feride Rushiti po qëndron për vizitë në Shtetet e Bashkuara të Amerikës. Në kuadër të…
    Tags: të, për, në
Comments