Kulturë

Vdes regjisori kosovar Bekim Lumi

Ka vdekur regjisori i njohur kosovar Bekim Lumi.

Lajmin e ka konfirmuar në rrjetin social edhe dramaturgu kosovar, Jeton Neziraj. “Rest In Peace, Bekim Lumi”, ka shkruar ai.

Regjisori dhe profesori i njohur i Fakultetit të Arteve në Prishtinë, Bekim Lumi, që prej dy vitesh po përballej me një sëmundje të rëndë.

Vdekjes së tij nuk i janë pajtuar një numër i madh artistësh nga vendi dhe rajoni. Ata përmes fotografive dhe mbishkrimeve të ndryshme për të, ngushëllojnë familjarët dhe ndajnë momentet që kishin me të.

Për vdekjen e tij, ka shkruar edhe kryeministri Ramush Haradinaj, duke thënë se ikja e tij e hershme do të zbrazëti në shoqërinë tonë.

“Pikëllues lajmi për kalimin në amshim të regjisorit Bekim Lumi, ndër më të veçantët në artin skenik të Kosovës. Ikja e hershme e Lumit ka lënë një zbraztësi të madhe në familje, shoqëri dhe sidomos në artin e regjisë. Ai nuk reshti për tre dekada me radhë t’i jepte vulën e tij origjinale artit dramatik të Kosovës. Ngushëllime të sinqerta familjes Lumi, të gjithë atyre artistëve që punuan më të si dhe miqve të shumtë. I qoftë i lehtë dheu i Kosovës”, ka shkruar ai.

Ndërkohë edhe presidenti Hashim Thaçi ka ngushëlluar për humbjen e tij. “I dhimbshëm lajmi për vdekjen e parakohshme të mikut tim, Bekim Lumi. Si artist e si regjisor, Bekim Lumi kontribuoi shumë për artin, teatrin, kulturën dhe për edukimin e artistëve të rinj. Ngushëllime familjes Lumi dhe të gjithë artistëve, miqve dhe bashkëpunëtorëve të tij”, ka shkruar ai.

Në emër të Këshillit të Ekspertëve të LDK-së, Avdullah Hoti ka shprehur ngushëllime për vdekjen e regjisorit kosovar, Bekim Lumi.

“Pikëllues lajmi për shkuarjen në amshim të regjisorit Bekim Lumi. Shfaqjet e tij ishin hapat e parë në modernizimin e teatrit kosovar. Mungesa e tij do të jetë e pazëvendësueshme në botën e artit dhe shoqërisë kosovare.Këshilli i Ekspertëve për Kulturë, Rini e Sport i LDK-së ka qenë i nderuar që ka pasur në mesin e vetë një personalitet të tillë si Profesori i Akademisë së Arteve, Bekim Lumi”, ka shkruar Hoti.

Ai ka shtuar se Lumi mbetet një mik i shtrenjtë, i cili me krijimtarinë e tij artistike, me punën e palodhshme prej pedagogu e eksperti të pashoq në fushën e arteve skenike, la shenjë të pashlyeshme në jetën kulturore të Kosovës.

“Ne do ta kujtojmë përjetë si një njeri me virtyte të larta e si profesionist të shkëlqyer. Ngushëllime familjes, miqve nga bota e artit dhe gjithë artdashësve kosovarë. Zoti e bekoftë Beken tonë. Zoti e bekofte familjen Lumi”, ka përfunduar Hoti.

Edhe kryetari i Kuvendit, Kadri Veseli, ka shkruar në facebook.

“Tejet pikëllues lajmi për vdekjen e Bekim Lumit. Kosova ka humbur një artist të veçantë, një regjisor të talentuar dhe një profesor të çmuar. Dhimbja është shumë e madhe. Ngushëllime familjes, miqve dhe komunitetit të artistëve”, ka shkruar ai.

Facebook Comments

Share This:

Related Posts

  • 91
    Para se të flasim për secilin veç e veç, duhet theksuar fakti se janë të rralla edhe në botën me qytetërim të lartë, kur anëtarët e një familjeje hyn së bashku me historinë e lëvizjes kombëtare të një populli, siç është rasti me familjen e Qeriazëve. Prof. Dr. NEBI DERVISHI…
    Tags: të, në, dhe, për
  • 77
    Ajo ka lindur në Pejë dhe me punët e saj të fundit artistike mendjen e ka pasur në një tjetër pjesë të botës. Peja pati luftë e terror, sikur Kosova në tërësi, para disa dekadash, ndërsa Siria ka një luftë që ka nisur qëmoti e po vazhdon edhe sot. Me…
    Tags: në, të, ka, dhe
  • 77
    Ministri i Shëndetësisë, Uran Ismaili, gjatë vizitës së tij zyrtare në Zagreb, është pritur sot nga ministri i Shëndetësisë së Kroacisë, Milan Kujundzic, njofton kumtesa ministrore, transmeton Koha.net. Ismaili dhe Kujundzic diskutuan për forcimin e bashkëpunimit mes dy vendeve në fushën e shëndetësisë, në veçanti rreth ndihmës që ky shtet…
    Tags: të, në, për, dhe
  • 77
    Filmi “Touch Me Not” (Mos më prek) e regjisores rumune Adina Pintilie, që flet për një grua e cila përballet me çështje të intimitetit dhe mëson se si të ndihet rehat me trupin e saj, e ka marrë “Ariun e artë” të edicionit të sivjetmë të festivalit “Berlinale”. Ndërsa Wes…
    Tags: të, në, ka, për
  • 76
    Prishtinë, 1 mars – Një numër i artistëve janë bërë tok gjatë ditës së mërkurë, në sallën e vogël të Teatrit Kombëtar të Kosovës. Kësaj radhe jo për ndonjë projekt artistik a protestë, por për të gjetur mënyra që t’i dalin në ndihme njërit prej kolegëve të tyre. Në këtë…
    Tags: të, për, ka, në
Comments