Hiri është i çmuar!
Edhe pse na është kërkuar të nderojmë Perëndinë, ne kurrë nuk duhet t’i frikësohemi Atij në të njëjtën mënyrë siç kemi frikë nga gjërat që na tmerrojnë. Zoti është dashuri dhe dashuria e Tij për ne është e pakushtëzuar. Edhe pse nuk e meritojmë, Zoti na jep lirisht hirin e Tij.
Megjithatë, kush e di sa herë kur kemi më shumë nevojë për Zotin, përfundojmë duke u ndjerë sikur Ai na fshihet. Por e vërteta është komplet ndryshe! Edhe kur rrëzohemi përtokë për shkak të mëkatit, Zoti nuk na e kthen shpinën. Në fakt, Ai bën pikërisht të kundërtën – i hap krahët dhe na bën shenjë që të shkojmë tek Ai.
Ne duhet të kuptojmë një parim në lidhje me hirin: Nuk është kartmonedhë që e mbajmë në xhepa, duke e shpenzuar sipas dëshirës sa herë që mëkatojmë. Përkundrazi, hiri i Perëndisë është i çmuar sepse Jezu Krishti pagoi sakrificën e përjetshme për të gjitha mëkatet tona – në të shkuarën, të tashmen dhe të ardhmen. Vdekja e tij në kryqin e Kalvarit bëri të mundur që ne të përjetonim shpëtimin e përjetshëm vetëm me anë të hirit.
Është e pamundur të fitosh hirin e Zotit. Si njerëz të rënë, sigurisht që nuk e meritojmë mëshirën e Tij, megjithatë Ai hap dritaret e qiellit dhe derdh hirin e Tij mbi ne.
Ndërsa rritemi në marrëdhënien tonë me Jezu Krishtin, do fillojmë të kuptojmë se Ai me të vërtetë kujdeset për ne. Gjithashtu mësojmë se Ai dëshiron të ketë një marrëdhënie intime me ne. Në vend që të jetojmë nën frikën e Tij, na jepet mundësia të jemi bij të Mbretit të mbretërve. Me kalimin e kohës, do të kuptojmë se Ai do që të futemi në vendin e Tij të fronit, ku hiri mbulon të gjithë ata që hyjnë në praninë e Tij.
Lutje: Zot, më jep besim që të vij tek Ti kur mëkatoj, duke e ditur që Ti sërish më do. Lutem në emër të Jezusit. Amen.
“Ju në fakt, jeni të shpëtuar me anë të hirit, nëpërmjet besimit, dhe kjo nuk vjen nga ju, po është dhurata e Perëndisë,” (Efesianëve 2:8).
Related Posts
- 97
Në të vërtetë po ju them: në qoftë se nuk ktheheni dhe nuk bëheni si fëmijët e vegjël, ju nuk do të hyni fare në mbretërinë e qiejve ( Mateu 18:3) Për vite me rradhë Nënë Tereza, ju dedikua tërësisht personave të dëshpëruar që jetonin në Kalkuta. Ajo punoi në mes… - 96
Dhe ja, unë jam me ju gjithë ditët, deri në mbarim të botës. Amen”.–Mateu 28:20 Mund ta quani si eksperimentin përfundimtar në distancimin shoqëror. Në vitin 1934, admirali Richard Byrd qëndroi për pesë muaj vetëm në një kasolle me një dhomë të vetme në Antarktidë, e mbuluar nga dëbora, në… - 95
Besimi ynë forcohet kur i bindemi Perëndisë në situata sfiduese. Zanafilla 22:1-24 Ndonjëherë t’i bindesh Perwndisw nuk është e lehtë. Sa herë që përballeni me një thirrje të vështirë, kujtoni Abrahamin. Në pasazhin e sotëm, atij iu dha një nga sprovat më të mëdha të regjistruara në Bibël, megjithatë ai… - 94
Fjalët e urta 2:6-11 janë vargje shumë të pasur. Ata na tregojnë se si Perëndia jep dituri dhe se cfarë ndodh në jetën tonë, si rezultat i kësaj. Kështu, unë dua t’u lexoj këto vargje dhe pastaj, të lutemi përmes këtyre vargjeve, për jetën tonë. Pra, Fjalët e urta 2:6-11. “Sepse… - 94
A ju duket se ditëlindjet vazhdojnë të ikin gjithnjë e më shpejt, vit pas viti? Natyrisht, kjo do të thotë se herët a vonë, nëse jetojmë mjaftueshëm, secili prej nesh do të plaket. Unë, dua të bëj më të mirën e viteve të mia. Shpresoj se ajo që thotë Psalmi 92 për…
