Kulturë

“Hollywood Reporter” e cilëson “Zgjoin” në mesin e filmave më të mirë të 2021-s

“Talentet e kinemasë evropiane të vitit 2021”, ky titull e shoqëron artikullin e fundit të revistës digjitale, “The Hollywood Reporter”, i cili i numëron disa prej filmave evropian që kanë shënuar suksese të jashtëzakonshme gjatë vitit që po e lëmë pas, e ku përfshihet edhe filmi kosovar i regjisores Blerta Basholli, “Zgjoi”.

“Me një ngjarje e cila zë vend shtatë vjet pas masakrës së serbëve në një fshat të Kosovës, filmi debutues i Blerta Bashollit që është fitues i trefishtë në Festivalin e filmit “Sundance”, trondit jo me kthesat e komplotit apo eksperimentet me të cilat tregohet në mënyrë konvencionale, por me sensin e mprehtë të regjisores për detaje dhe me skena emocionale rrënuese që sjellin dramë dhe heroizëm në filmin i cili e rrëfen historinë e një gruaje të pashkolluar por jashtëzakonisht të vendosur e cila në film portretizohet në mënyrë të shkëlqyer nga aktorja Yllka Gashi”, shkruhej për filmin tonë në këtë artikull.

I bazuar në ngjarje të vërtetë, “Zgjoi” fokusohet në sfidat e një gruaje kosovare në mëshirë të fatit. Aktorja Yllka Gashi e portretizon Fahrije Hotin, e cila është në kërkim të vazhdueshëm për ta gjetur burrin e saj, Bashkimin, të cilin e pa për herë të fundit më 25 mars të vitit 1999. Protestat e saj dhe të familjarëve të tjerë që janë në kërkim të të afërmve të tyre, lufta e saj për pavarësi, nisja e një biznesi të vogël me gratë e Krushës, paragjykimet dhe fjalët e rrethit, të gjitha janë në qendër të filmit.

Përveç aktores Yllka Gashi dhe aktorit Çun Lajçi, në film luajnë edhe Aurita Agushi, Kumrije Hoxha, Adriana Matoshi, Kaona Sylejmani, Ilir Prapashtica, Astrit Kabashi, Molikë Maxhuni, Blerta Ismaili, Xhejlane Terbunja dhe Shkëlqim Islami.

Filmi së fundmi ka hyrë në listën e ngushtë për “Oscar”, çka ia shton shanset për t’u bërë filmi i parë kosovar i metrazhit të gjatë, që garon për çmimin prestigjioz akademik në kategorinë “Filmi më i mirë i huaj”.

Facebook Comments

Share This:

Related Posts

  • 98
    “European Film Awards” i 2020-s kthen sfidën në mundësiSi shumë festivale të filmit, ekuivalenti evropian i “Oscars” mbahet në mënyrë digjitale. Organizatorët thonë se është një mundësi për të provuar gjëra të reja Dashamirët e filmit dhe festivaleve, si dhe filmbërësit, e kanë vënë në dyshim prej muajsh: ceremonia e “European Film Awards” është caktuar të mbahet online.…
    Tags: të, në, kulturë
  • 97
    Qendra Kinematografike e Kosovës në pritje të projekteve filmikeQendra Kinematografike e Kosovës është vënë në kërkim të projekteve kinematografike. Për këtë edhe ka hapur konkursin vjetor për subvencionim të projekteve filmike në tetë kategori. Institucioni më i lartë kinematografik në vend, në total ka buxhet prej 988 mijë eurove, kurse vetëm për subvencione dhe transfere ka 924 mijë…
    Tags: të, në, kulturë
  • 97
    Risjellja e muzikës klasike në shoqërinë KosovareIshte njëra nga Divertimentot e kompozitorit të madh klasik Wolfgang Amadeus Mozart, e cila mundësoi takimin e parë të orkestrës me publikun, një takim i cili në muajt në vijim do të sillte familjarizimin e munguar me ta. Natyrisht, dyshimet vazhdonin nëse kjo orkestër do të arrinte të mbijetonte. Dhe…
    Tags: të, në, kulturë
  • 97
    Dymbëdhjetë kandidatë për katër pozitat udhëheqëse në institucionet kulturorePër katër pozita udhëheqëse në institucionet qendrore të kulturës garës i kanë hyrë dymbëdhjetë kandidatë. Në konkurset për drejtor të përgjithshëm të Teatrit Kombëtar të Kosovës, udhëheqës artistik të këtij institucioni dhe drejtor të Galerisë Kombëtare të Kosovës, si dhe të Baletit Kombëtar të Kosovës nuk ka pasur shumë të…
    Tags: të, në, për, kulturë
  • 95
    Thënie të urta nga aforisti amerikan Mason CooleyMason Cooley (1927 – 2002) ishte një akademik letrar amerikan dhe aforist. Për lexuesit tanë kemi përzgjedhur disa nga thëniet e tij më të njohura:Nëse jeton vetëm, e ke më të vështirë të gjesh dikë për t’i hedhur fajin.Ruajtja e traditave është kthyer në një pasion simpatik, si koleksionimi i…
    Tags: të, për, kulturë
Comments