Mesazh

Ktheji vështirësitë në mundësi

Çdo dhimbje zemre, çdo zhgënjim dhe çdo dështim përdoret nga Zoti për të na afruar me Të. Ne mund të mos e kuptojmë pse duhet të përballemi me kundërshtime në shtëpi, në punët tona, apo edhe në shërbimin tonë ndaj Krishtit, por Zoti e di dhe e kupton.

Ndërsa i besojmë Zotit në situata të vështira, duhet ta pyesim veten: “Si mund ta shndërroj këtë situatë të vështirë në një mundësi për Zotin”?

Këtu janë disa mënyra për të ushtruar besim në kohë shqetësimesh:

Kuptoni se Zoti është me ju në çdo kohë

Zoti kurrë nuk ju lë të përballeni vetëm me zhgënjimet e kësaj bote. Nëse duket se nuk mund ta dëgjoni zërin e Tij, jini të durueshëm, jini të qetë dhe jini të përkushtuar t’i besoni Atij para se të bëni një lëvizje të vetme. Besnikëria, bindja dhe gatishmëria për të pritur kohën e Zotit i flasin shumë Perëndisë.

Mbani një mendim pozitiv

Ndonjëherë kjo mund të jetë e vështirë, por është absolutisht e nevojshme. Të mbash një mendim pozitiv nuk do të thotë të mohosh seriozitetin e rrethanave tona ose lëndimin që mund të ndiejmë. Sidoqoftë, kjo do të thotë që ne zgjedhim të mbajmë sytë drejt Krishtit, duke ditur se Ai do të përmbushë qëllimin e Tij në jetën tonë.

Shihni dorën e Zotit

Andrew Murray shkroi se stuhitë e jetës janë dëshmia e pranisë së Tij që na rrethon. Ne jemi fëmijët e Tij të dashur dhe kur lëndohemi, Ai ndjen dhimbje sëbashku me ne. Kur përballemi me dhimbje zemre, Ai na vjen në ndihmë. Kur ne keqtrajtohemi, Ai gjithashtu e ndjen pikëllimin tonë.

Mos e humb zemrën

Ndërsa përballeni me situata të vështira në jetë, dijeni që Zoti do t’ju japë forcën, mençurinë, guximin dhe rehatinë për t’iu ndihmuar të vazhdoni. Kapeni dorën e Tij dhe ecni përpara duke ditur se sa herë që jeta duket e pamundur, Ai do t’ju japë forcën dhe besimin për të vazhduar të ecni përpara.

Dhe jo vetëm kaq, por mburremi edhe në shtrëngimet, duke ditur që shtrëngimi prodhon këmbënguljen,këmbëngulja përvojën dhe përvoja shpresën. Por shpresa nuk turpëron, sepse dashuria e Perëndisë është derdhur në zemrat tona me anë të Frymës së Shenjtë që na është dhënë”.

Romakëve 5:3-5

Facebook Comments

Share This:

Related Posts

  • 100
    Fokusi në jetëKur të kuptojmë se armiku është dinak dhe se ai na sulmon nga shumë këndvështrime të ndryshme, do të jemi në gjendje të mbrohemi më mirë. Ndoshta martesa juaj është bërë e vështirë ose po përballeni me probleme financiare. Ndoshta  keni ndaluar së shkuari në kishë sepse jeni lënduar nga…
    Tags: të, dhe, në, mesazh
  • 100
    përballja me zhgënjiminNënshtrojuni, pra, Perëndisë, kundërshtoni djallin dhe ai do të arratiset prej jush! – Jakobi 4:7 Shumë të krishterë po ndihen të shkurajuar dhe të dëshpëruar sepse nuk kanë mësuar si të përballen me zhgënjimin. Nuk është vullneti i Perëndisë për të jetuar në zhgënjim, dëshpërim apo shkurajim, për asnjë ditë.…
    Tags: të, dhe, në, mesazh
  • 100
    Beteja e padukshme...Tani për tani, një luftë e padukshme po ndodh. Po zhvillohet një betejë shpirtërore dhe ne jemi në mes të saj. Pali shkroi: “Sepse lufta jonë nuk është kundër mishit dhe gjakut, por kundër sundimtarëve, kundër autoriteteve, kundër fuqive të kësaj bote të errët” (Efesianëve 6:12). Jakobi shkroi:  Nënshtrojuni, pra, Perëndisë, kundërshtoni…
    Tags: të, në, dhe, mesazh
  • 100
    PaqebërësitEdhe pse mëkatet dhe shkeljet tona u paguan në kryq, mëkati ynë ende e trishton Frymën e Shenjtë, prandaj duhet të kujtojmë vazhdimisht varfërinë tonë shpirtërore dhe të pikëllohemi për mëkatin tonë. Le të kërkojmë të qëndrojmë të pastër në zemër dhe tërësisht të përkushtuar ndaj Zotit, në mënyrë që…
    Tags: të, dhe, në, mesazh
  • 98
    Urtësia e pritjes për kohën e ZotitGjatë kohërave të vështira është e lehtë të pyesësh veten pse Zoti po kërkon kaq shumë kohë për të sjellë lehtësim. Ashtu si psalmisti, ne i thërrasim Perëndisë “nga thellësia” për ndihmë (Psalmi 130: 1), por me kalimin e kohës, ne mund të tundohemi t’i marrim gjërat në duart tona.  …
    Tags: të, në, dhe, mesazh
Comments