Inkurajime

Përballë një dileme!

Veprat e Apostujve kapitulli 26, vargjet 28 dhe 29. Pali po dëshmon para mbretit Agripa dhe Agripa i thotë Palit: “Për pak dhe po ma mbush mendjen të bëhem i krishterë?” Dhe Pali tha, vargu 29: “Dhëntë Perëndia që në pak ose në shumë kohë jo vetëm ti, por edhe të gjithë ata që sot po më dëgjojnë, të bëhen të tillë, sikurse jam unë, përveç këtyre zinxhirëve.”

Më pëlqen kjo pamje. Pali është duke dëshmuar para mbretit dhe udhëheqësve, dhe jeta e tij varet në fije të perit. Por ajo që e drejton Palin në mes të kësaj dëshmie, nuk është për sigurinë dhe mbrojtjen e jetës së tij. Por cfarë e drejton atë? Ai thotë:  “Dhëntë Perëndia që jo vetëm ti, por edhe të gjithë ata që sot po më dëgjojnë, të bëhen të tillë, sikurse jam unë,” Pra në thelb, po thoshte se ai që i besonte ato që po thoshte Pali, do të bëhej ndjekës i Krishtit. Pali priste me padurim që njerëzit që po e merrnin në pyetje dhe që po e hetonin, të njihnin dashurinë e Krishtit. Të përjetonin hirin e Krishtit. Të besonin Ungjillin e Krishtit. Dhe kjo ishte ajo që e udhëhiqte Palin.

Dhe kështu, unë mendoj për jetën time dhe për jetën tuaj, cfarë na motivon ne? A presim me padurim që njerëzit rreth nesh të njohin dashurinë e Krishtit? Të besojnë Ungjillin e Krishtit? A po i drejton kjo gjë, marrëdhëniet tona sot? Ne duam që njerëzit ta besojnë këtë. Duam që njerëzit ta dinë këtë. A jemi të shqetësuar për përjetësinë e të tjerëve, më shumë se sa për këtë gjë, apo atë gjë në jetën tonë? A jemi të shqetësuar për ardhjen e njerëzve të tjerë në njohjen e Krishtit? Kjo është pamja në jetën e Palit, këtu. Le të jetë edhe pamja e jetës sonë.

Oh Perëndi, ne lutemi që Ti të na japësh këtë lloj drejtimi, këtë lloj motivimi, sot. Lutem për këtë në jetën time dhe në jetën e atyre njerëzve që po më dëgjojnë. Le të drejtohemi nga dëshira dhe nga pasioni për t’i parë njerëzit e tjerë rreth nesh, të vijnë në njohjen e Krishtit. Zot, na ndihmo të ndajmë Ungjillin me besnikëri. Na ndihmo të mos heshtim për Të. Na ndihmo ta flasim ungjillin dhe, ndërsa e flasim, Perëndi, na ndihmo t’u lutemi njerëzve që të bëhen sikurse jemi ne, të shpëtohen me anë të hirit Tënd dhe të vijnë në një marrëdhënie me Ty. Zot, na ndihmo të jetojmë për këtë sot. Përdore jetën tonë në këtë drejtim sot, ndërsa na jep shumë mundësi. Ashtu sic Pali pati mundësinë para mbretit Agripa, ndërsa ne kemi mundësinë sot, për të ndarë Ungjillin, na ndihmo të flasim dhe të jetojmë në mënyrë të tillë që njerëzit të njohin dashurinë Tënde në Krishtin.  Të lutemi që të na përdorësh sot për këtë gjë, që njerëzit rreth nesh, në lagjen tonë, në vendin e punës, në shkolla, njerëzit në komunitetin tonë, në qytetin ku jetojmë, të njohin Krishtin përmes nesh. U bëftë kështu. Lutemi për këtë në emër të jezusit, Amen.

Facebook Comments

Share This:

Related Posts

  • 100
    Gëzim në qëllim!Shoqëria jonë është e mbushur me pakënaqësi. Pse? Sepse kultura jonë na ka mësuar se ne jemi epiqendra e jetës sonë – se gjithçka duhet të rregullohet rreth çfarëdo lloj teke apo kënqësi që buron nga zemrat tona. Por, miqtë e mi, zemrat tona janë mashtruese (lexoni Jeremia 17:9). E vërteta është…
    Tags: të, dhe, në, që, për, inkurajime
  • 100
    Përballuni me krenarinë!Mëkati vjen në shumë forma dhe përmasa, por thellë brenda, çdo mëkat mbin nga e njëjta farë: krenaria. Nën çdo dështim moral është një dëshirë për të lartësuar veten. Askush nuk është i imunizuar nga kjo thyerje. Edhe njerëzit që kanë parë shenja të mrekullueshme dhe kanë përjetuar dorën e…
    Tags: të, për, në, që, dhe, inkurajime
  • 100
    Pa ndalim.Veprat e Apostujve, kapitulli 28, vargjet 30 dhe 31. Kështu përfundon Libri i Veprave të Apostujve. “Dhe Pali ndenji plot dy vjet në shtëpinë që kishte marrë me qira dhe priste të gjithë ata që vinin tek ai, duke predikuar mbretërinë e Perëndisë dhe duke mësuar gjërat e Zotit Jezu…
    Tags: të, në, dhe, për, që, inkurajime
  • 100
    Atij që i përkas…Në mes të Veprave të Apostujve 27, Pali dhe gjithë shoqëruesit e tij në anije, gjenden në mes të një stuhie dhe të gjithë kanë frikë për jetën e tyre. Ata nuk e dinë nëse do të arrijnë t’ia dalin, por Perëndia i shfaqet Palin në vegim, përmes një ëngjëlli…
    Tags: të, dhe, që, në, për, inkurajime
  • 99
    Fara që nuk vdes kurrë!Jezusi e mbolli dashurinë e Tij në zemrat tona dhe dëshiron  që ne ta ndajmë atë me të tjerët. 1 Pjetrit 1:22-23 Përgatitja e një kopshti – kultivimi i tokës, ujitja e rregullt, kontrolli i barërave të këqija – kërkon kohë dhe përpjekje të vazhdueshme. Por kopshtari shpenzon më pak…
    Tags: të, dhe, në, që, për, inkurajime
Comments