Mesazh

Të gjitha gjërat do të veniten një ditë!

Bari thahet, lulja fishket, por fjala e Perëndisë tonë mbetet përjetë.- Isaia 40:8

Mendoni për të gjitha gjërat përreth tani. Pa dyshim që nuk e di se ku jeni, jeni ulur apo jeni në këmbë, por shihni botën përreth jush dhe gjithë gjërat që do të veniten, bari, lulet, çdo lloj gjëje në natyrë dhe në botën përreth. Thjesht mendoni për natyrën e përkohshme të punëve, domethënë, në një pikë të caktuar nuk do ta keni punën që keni. Mendoni për natyrën e përkohshme të shëndetit. Tani ju keni një masë të caktuar të shëndetit. Por edhe ai do të venitet. Nuk dua të jem dëshpërues, por do të venitet.

Mendoni për disa nga gjërat bazë, edhe gjërat në të cilat gjeni kënaqësi tani. Edhe ato do të veniten në këtë botë. Ndaj mendoni për këtë. Këtë po bën Isaia. Ose, këtë po thotë Perëndia përmes Isaias: “Shiko përreth në këtë botë të gjitha gjërat që do të veniten. Më pas shiko Fjalën e Perëndisë dhe ta dish që ajo nuk do të zhduket kurrë. Ajo do të qëndrojë përgjithmonë.”. Me këtë kuptojmë madhështinë e Fjalës së Perëndisë dhe vlerën e të kaluarit kohë me të. A doni sot të jetoni për atë që ka rëndësi në përjetësi? A doni sot të jetoni për atë që do të ketë rëndësi miliarda vite më vonë? Atëherë kaloni kohë me Fjalën e Perëndisë. Ajo do të zgjasë përjetë.

Perëndi, ne të lavdërojmë për Fjalën Tënde. Ne të lavdërojmë për këtë Fjalë që jemi duke dëgjuar tani nga Isaia 40 në lidhje me Fjalën Tënde. Perëndi, Fjalët e Tua janë të vërteta dhe janë të përjetshme. Ato zgjasin për të gjithë përjetësinë. Ato janë një shkëmb ku mund të qëndrojmë sot. Janë një shkëmb mbi të cilin mund të qëndrojmë nesër. Dhe ato janë një shkëmb ku mund të qëndrojmë miliarda vite më vonë. Perëndi, na ndihmo ta vlerësojmë Fjalën Tënde. Perëndi, të lutem të na mbash larg atyre ditëve ku nuk e dëgjojmë Fjalën Tënde. Veçanërisht të lutemi të na mbash larg atyre ditëve ku nuk e rrethojmë jetën tonë me Fjalën Tënde. Ne kemi nevojë për Fjalën Tënde. Ajo është e çmuar. Ajo është e çmuar në përjetësi, ndaj na ndihmo ta lexojmë. Na ndihmo ta studiojmë atë. Na ndihmo ta kuptojmë atë. Na ndihmo ta mësojmë përmendësh.

Na ndihmo që ta rrënjosim në zemrat tona, të meditojmë për të. Perëndi, na ndihmo t’i bindemi asaj. Ne e dimë që jeta e përjetshme dhe jeta që zgjat përgjithmonë gjendet në bindjen ndaj Fjalës Tënde. Perëndi, ne të lavdërojmë për dhuratën e Fjalës Tënde, për Fjalën e Zotit që kemi. Ajo është e disponueshme për ne. Ne e kemi në duart tona që të mund ta mbajmë. Ne e kemi në telefonat tanë. Gjithmonë mund të jemi në Fjalën Tënde, ndaj Perëndi, na ndihmo të jemi gjithmonë në Fjalën Tënde, siç thuhet te Ligji i Përtërirë, kapitulli 6. Na ndihmo të flasim gjithë kohës për të, ta rrënjosim në zemrat tona, ta mbajmë gjithmonë para nesh. Perëndi, na ndihmo të jetojmë sot për atë që do të ketë rëndësi në përjetësi. Na ndihmo ta jetojmë, ta dëgjojmë dhe t’i bindemi Fjalës Tënde sepse ajo do të zgjasë përgjithmonë. Në emrin e Jezusit ne lutemi, amen.

Facebook Comments

Share This:

Related Posts

  • 100
    Mos vendosni një pikë në fund të lutjes.Isaia 37:20 Por tani, o Zot, Perëndia ynë, na çliro nga duart e tij, me qëllim që të gjitha mbretëritë e tokës të njohin që ti vetëm je Zoti. Në kapitullin 37 mbreti i Judës, Ezekia, po i lutej Perëndisë duke i thënë: “Por tani, o Zot, Perëndia ynë, na çliro…
    Tags: të, në, për, që, mesazh
  • 100
    Gjymtyrë të ndryshme por një trup i vetëm!I gjithë trupi i Krishtit përfiton kur besimtarët përdorin dhuntitë që Perëndia u ka dhënë. Është pikërisht ajo kohë e vitit që anëtarët e kishave mblidhen për t’u kujdesur për ndërtesat e tyre, duke i pastruar me themel dhe duke u pregatitur për dimrin. Ka shumë gjëra për të bërë…
    Tags: të, për, në, që, mesazh
  • 97
    Jo sakrificë tjetërNë thelb të shumicës së feve në botë është dëshira për ti sjellë kënaqësi një zoti apo  perëndie për të përfituar jetën e përtejme. Ndjekësit jetojnë me frikën se mos shqetësojnë perënditë e tyre, kështu që ditë pas dite punojnë për të fituar shpëtimin e tyre përmes veprave të mira…
    Tags: të, në, për, që, mesazh
  • 97
    I lirë për të qenë gjithçka që Perëndia të krijoi për të qenë...“Të shfrytëzosh në maksimum kohën” mund të jetë një moto tepër e keqkuptuar! Menaxhimi i mirë i kohës nuk do të thotë të ecësh me ritmin e ndonjë regjimi rigoroz e strikt në rrugën e prodhimtarisë, por që të gjesh lirinë për të qenë gjithçka që Perëndia të krijoi, duke…
    Tags: të, për, në, që, mesazh
  • 96
    Si të studiosh Biblën?Nëse dëshironi që të shihni ndryshime në fusha të jetës suaj, mësoni se si ta studioni vërtet Biblën. Përse duhet ta studioj Biblën? Bibla nuk është libër i zakonshëm. Fjalët brenda faqeve të Tij janë si një ilaç për shpirtin tuaj. Ato kanë fuqinë të ndryshojnë jetën tuaj, sepse në…
    Tags: të, që, në, mesazh
Comments