Kulturë

Vepra “Një lule” e Memli Kelmendit do të interpretohet nga tri kore të vendeve evropiane

Në rrethana normale, kjo sallë do të ishte e mbushur plot, e koristët do të bëheshin gati për të marrë rrugën për në Belgjikë. Por, kori “Siparantum” duke iu përshtatur kushteve të pandemisë, ka vendosur që provat t’i mbajë me grupe të vogla e performancën ta dërgojë virtualisht në “Festivalin Evropian për të rinj”.

Kori nga Peja ka arritur që të jetë pjesë e këtij festivali me traditë prej shtatë dekadash, e që këtë vit bashkon virtualisht 100 kore nga 35 vende të botës.

“Kriter ka qenë që të dërgomë disa video-materiale, ne ju kemi përmbajtur rregullave të festivalit dhe kemi marrë konfirmimin që jemi pranuar si kor”, ka treguar Kelmendi.

Kompozitori dhe udhëheqësi i korit, Memli Kelmendi, do të përfaqësohet me veprën e tij “Një lule”. Ani pse nuk ka pasur ndonjë kriter për kompozimin e veprës, Kelmendi kishte insistuar që vepra të ketë motive shqiptare.

“Meqë unë vij prej Kosovës e kam parë të rëndësishme të përfshij brenda veprës motive shqiptare dhe ritme tona andaj kam vendosur që edhe teksti të jetë në shqip, duke u bazuar në thënien “Me një lule nuk çelë pranvera”, ka treguar ai.

ka zbuluar se vepra që përmban motive shqiptare, përveçse nga kori pejan, do të interpretohet edhe nga koret e tri shteteve të tjera.

“E përmend për herë të parë se vepra do të luhet edhe nga koret e tri shteteve të tjera. Ajo do të luhet nga një kor që është nga Helsinki i Finlandës, një kor nga Spanja dhe një kor tjetër nga Spanja e Italisë”, ka zbuluar kompozitori Memli Kelmendi.

Anëtarët e korit “Siparantum” i ka gëzuar pjesëmarrja në këtë eveniment të madh koral dhe rikthimi në prova. Po ashtu, shprehen të lumtur që atje do të dërgojnë vepra të kompozitorëve shqiptarë.

“Është një privilegj që kemi me prezantuar Kosovën nga kompozitori dhe dirigjenti i korit tonë Memli Kelmendi. Është një emocion i vecantë për neve dhe do të mundohemi që ta përfaqësojmë Kosovën në mënyrën sa më të dinjitetshme”, ka thënë anëtari i korit “Siparantum” Rigon Begolli.

Qëkur kishte marrë veprën për herë të parë në duar, ajo i kishte dhënë emocion të veçantë edhe anëtares tjetër të korit “Siprantum”, Miranda Abdullahu. Ndërsa ndihet akoma më e gëzuar që sot gjatë provave ka takuar kolegët e saj dhe zërat e tyre po mund të bashkohen brenda një hapësire të vetme.

“Jashtëzakonisht shumë mirë po ndihemi sepse kemi qenë të izoluar për një kohë dhe nuk kemi pasur mundësi të përgatitemi ashtu siç e kërkon profesioni ynë që të jemi pranë fizikisht. Lajmi për të qenë pjesë e festivalit na ka gëzuar shumë, sepse jemi kthyer në ritmin e mëhershëm”, ka thënë Abdullahu.

Performanca do të transmetohet virtualisht më 1 maj, në faqen zyrtare të Festivalit Evropian për të Rinj. Organizatorët, nëpërmjet një mesazhi, e kanë mirëpritur pjesëmarrjen e Kosovës në këtë festival.

“Ne duam ta promovojmë muzikën e Ballkanit, veçmas muzikën korale të Ballkanit. Memli Kelmendi ka kompozuar për ne këngën ‘Një lule’ dhe ne jemi shumë të lumtur që e kemi kompozitorin Kelmendi pjesë të work-shopit dhe kemi të përfshirë muzikë korale nga Kosova. Ne do të donim të kishim edhe pjesëmarrës të tjerë të muzikës korale nga vendi i juaj në edicionin e ardhshëm”, ka thënë Arnout van Baelen nga “Festivali Evropian për të Rinj”.

“Siparantum” është themeluar katër vjet më parë në bazë të një trashëgimie artistike të këndimit koral në Pejë. Ky kor ka një tjetër qëllim të rëndësishëm – ta promovojë Kosovën në rajonin e Ballkanit dhe në mbarë botën.

Facebook Comments

Share This:

Related Posts

  • 100
    Libraritë numërojnë pasojat në përballje me pandeminëShumica e bizneseve kanë pësuar goditje serioze financiare për shkak të pandemisë, në mesin e tyre edhe libraritë. Disa prej librashitësve kanë bërë thirrje që shteti t’u dalë në ndihmë. Sipas tyre, edhe në rrethana normale kanë vështirësi financiare për të ushtruar veprimtarinë e tyre. Sfidë për ta mbetet mbyllja…
    Tags: të, në, ka, që, kulturë
  • 97
    Teatri në prag të rinovimit të gjashtë midis sezonit të punësElektrikja, ujësjellësi, rrjeti i kanalizimit, sanitaria, disa punë demoluese dhe suvatimi janë ndërhyrjet që planifikohet të bëhen këtë vit në ndërtesën e Teatrit Kombëtar të Kosovës. Nëpërmjet një kontrate në vlerë prej 38 mijë e 600 eurosh, Ministria e Kulturës synon që të përmirësojë kushtet në objektin e institucionit më…
    Tags: të, në, që, kulturë
  • 96
    Albumi i Ermonela Jahos merr çmimin që cilësohet “Oscar” në muzikë klasike“Anima Rara” i sopranos Jaho është konfirmuar si vepër e jashtëzakonshme, duke triumfuar në kategorinë e muzikës vokale në International Classical Music Awards, që, siç shkruhet në ueb-faqen zyrtare të çmimeve, konsiderohet “Oscar” në fushën e incizimeve të muzikës klasike Në pesë muaj e fundit, sa herë që është diskutuar…
    Tags: të, në, që, kulturë
  • 96
    “Zgjoi” nëpër botë me rrëfimin e gruas nga Krusha e MadheShpjegimi më i thjeshtë do të ishte ky: Një regjisore dëgjon rrëfimin e gruas nga Krusha e Madhe, burri i së cilës është ende në listën e të pagjeturve nga lufta e fundit në Kosovë, e shndërron atë në skenar, skenari bëhet film dhe godet me të parën, në konkurrencë…
    Tags: të, që, në, kulturë
  • 95
    Nis transformimi i NEWBORN-it me synimin për një tjetër imazh të luftësTemperaturat kanë shënuar minus 7 gradë celsius mesditën e së dielës. Përkundër të ftohtit, disa vullnetarë kanë qëndruar afër NEWBORN-it që tashmë i është lyer baza me ngjyrë krem. Ata kanë mirëpritur qytetarët dhe i kanë udhëzuar sesi të linin gjurmët e duarve në monument. Në mesin e disa prej…
    Tags: të, ka, që, në, kulturë
Comments